काठमाण्डौं । सिनर्जी पावर डेभलपमेन्टले सर्वसाधारणमा निष्काशन गरेको साधारण सेयर आज बाँडफाँड हुँदैछ । कम्पनीको सेयर निष्काशन तथा बिक्री प्रबन्धक सानिमा क्यापिटलका अनुसार साँझ चार बजे नक्सालस्थित सानिमा बैंकको मुख्य कार्यालयमा सेयर बाँडफाँड गरिने छ ।
पुस ८ गते देखि १२ सम्म आइपीओ निष्काशन गरेको कम्पनीले कम्पनीले एक सय रूपैयाँ अंकित दरमा २१ करोड रुपैयाँ बराबरको २१ लाख कित्ता सेयर बेचेको थियो । जस मध्ये ६३ हजार कित्ता सेयर कर्मचारीलाई र एक लाख ५ हजार कित्ता सेयर म्युचुअल फण्डका लागि बाँडफाँड भैसकेको छ ।
यसमा बाँकी रहेको १९ लाख ३२ हजार कित्ताका लागि सर्वसाधारणले न्युनतम ५० देखि अधिकतम २१ हजार कित्ताका दरले आवेदन गरेका थिए । ४२ करोड रुपैंया चुक्ता पूँजी रहेको कम्पनीको यो सेयर निष्काशनसँगै चुक्ता पूँजी ७० करोड रुपैंया पुगेको छ ।
५ फागुन २०७३, ११।००
वि.सं.२०७३ फागुन ५ बिहीवार १३:४४ मा प्रकाशित