काठमाडौ । पर्वतीय र पदयात्रा पर्यटन व्यवसायीको छाता संस्था ट्रेकिङ एजेन्सिज एसोसिएसन अफ नेपाल (टान) को नयाँ नेतृत्वका लागि नेकपा (एमाले) आबद्ध नेपाल राष्ट्रिय पर्यटन व्यवसायी संगठनले नवराज दाहाललाई सर्वसम्मत अध्यक्षको रुपमा अगाडि बढाएको छ । नेकपा माओवादी केन्द्र निकट राष्ट्रिय पर्यटन व्यवसायी संगठनका संयोजक दाहालको नेतृत्वमा टानको नयाँ कार्यसमितिलाई सर्वसम्मत बनाउने नेपाल राष्ट्रिय पर्यटन व्यवसायी संगठनको दाबी रहेको छ ।
एक प्रेस विज्ञप्ती जारी गर्दै एमाले निकट पर्यटन व्यवसायी संगठनले आफ्ना संगठनका उपाध्यक्ष हरि धरेल वा सचिव अञ्जन थापा(कुमार) को नेतृत्वमा जाने अन्तिम समयसम्मको प्रयासका बाबजुत अन्तिम समयमा दाहाललाई सर्वसम्मत अध्यक्ष बनाउन लागिएको बताईएको छ । राष्ट्रिय राजनीतिमा नेकपा(एमाले),नेकपा माओवादी(केन्द्र) र राष्ट्रिय जनमोर्चाबीच चुनावी तालमेल,सहकार्य र भविष्यमा पार्टी एकता गर्ने सहमतिसंगै पर्यटन क्षेत्रमा पनि उक्त सहमतिअनुरुप नै अगाडि बढ्न प्रतिबद्ध रहेको विज्ञप्तीमा उल्लेख छ ।
साथै संगठनले अन्य व्ववसायी संगठनलाई पनि सहकार्यका साथ अगाडि बढ्न आउन आग्रह गरेको छ ।
हेर्नुहोस्,टान निर्वाचनबारे नेपाल राष्ट्रिय पर्यटन व्यवसायी संगठनको प्रेस विज्ञप्ती :
प्रकाशित मितिः २०७४ कार्तिक ८
वि.सं.२०७४ कात्तिक ८ बुधवार १६:४१ मा प्रकाशित