काठमाडौ । ट्रेकिङ एजेन्सिज् एशोसियसन अफ नेपाल (टान) ले अन्तराष्टिय स्तरको पर्वतिय पर्यटन सुरक्षा र प्राथमिक उपचार सम्बन्धि ४ दिने तालिम प्रदान गरेको छ । टान, नेपालस्थित फ्रान्सेली राजदुतावास र आईस हिमालयजको संयुक्त आयोजनामा प्रदान गरिएको उक्त तालिममा विभिन्न २७ जना पदयात्रा प्रदर्शकहरुले सहभागिता जनाएका थिए । तालिममा आलिअन्स फ्रन्सेज लगायत फ्रान्सका सरकारी तथा गैर सरकारी संस्थाहरुको प्राविधिक सहयोग पनि रहेको थियो ।
तालिम प्राप्त पथप्रदर्शकहरुलाई नेपाल पर्यटन वोर्डमा एक विशेष समारोहका विच प्रमाणपत्र वितरण कार्यक्रम सम्पन्न गरिएको थियो । टानका अध्यक्ष चन्द्रप्रसाद रिजालको सभापतीत्वमा सम्पन्न कार्यक्रममा नेपाल स्थित फ्रान्सेली कार्यवाहक राजदुत अर्नुद स्याम्पीले प्रशिक्षार्थीहरुलाई प्रमुख अतिथिको तर्फबाट शुभकामना सहित प्रमाणपत्र प्रदान गरेका थिए । कार्यवाहक राजदुत स्याम्पीले पदयात्रा पर्यटनमा टानले पुर्याएको योगदानको उच्च प्रसंसा गर्दै यस्ता किसिमका रचानात्मक कार्यक्रमहरुमा फ्रान्स सरकारको सदैव साथ तथा सहयोग रहने बताए ।
टानका अध्यक्ष चन्द्रप्रसाद रिजालले तालिम प्राप्त पथप्रदर्शक पर्यटकहरुलाई सेवा तथा सुरक्षा दिने मामिलामा कुनै कसर बाँकी नराख्ने बताए । पर्यटकको सुरक्षा र पर्यटन क्षेत्रको भविष्य पथ प्रदर्शकहरुको हातमा रहने उनले बताए । उनले भने, “तपाईं पथ प्रदर्शकहरु हाम्रो पर्यटन क्षेत्रका गहना मात्र नभएर पर्यटकले हेर्ने आँखा पनि हो । तसर्थ पर्यटकलाई सन्तुष्ट पार्ने कुरा र पर्यटन व्यवसायको सम्बुद्धि तपाईहरुको कार्यकुसलता र कार्यक्षमतामा निर्भर गर्छ ।”
त्यस्तै कार्यक्रममा टानका महासचिव कर्ण लामालाई आईसिई हिमालयले मानार्थ सदस्यता प्रदान गरिएको थियो । उक्त मानार्थ सदस्यता प्राप्त गर्ने लामा पहिलो नेपाली हुन् । मानार्थ सदस्यता प्राप्ती पश्चात वोल्दै महासचिव लामाले आईस हिमालय र टानको विचको सम्बन्ध थप प्रगाढ भएर जाने प्रतिवद्धता व्यक्त गरे ।
आईस हिमालयका अध्यक्ष मोरिस डुन्सेले पनि टान र आफ्नो संस्था विचको सम्बन्धलाई गप मजबुत बनाएर लैजानुपर्नेमा जोड दिए । टानका कार्यसमिति सदस्य तथा तालिम विभाग संयोजक शितल चन्द्र धरेलले यस प्रकारको तालिमले पर्यटक सुरक्षाको प्रत्याभुती दिलाउन महत्वपूर्ण योगदान दिने बताए । उनले यस प्रकारका कार्यक्रमहरुको लागि आगामी दिनमा पनि हातेमालो गर्दै अघि बढ्नुपर्ने बताए ।
टानका कार्यकारी निर्देसक टेकबहादुर महतले टानले मानव संशाधन विकासमा महत्वपूर्ण कार्य गरेको भन्दै सो क्रममा सहयोग गर्ने सबैप्रति आभार प्रकट गरे । महतले पहिलो चरणको तालिममा निश्चित कोटा भएकोले सबैलाई समेट्न नसके पनि आगामी डिसेम्बर सम्ममा अर्को चरणको तालिम संचालन गर्ने बारेमा छलफल भईरहेको बताए ।
प्रकाशित मितिः २०७४ असोज ६
वि.सं.२०७४ असोज ६ शुक्रवार ११:४९ मा प्रकाशित
