काठमाडौ । कानुनभन्दा विपरित गएर वर्तमान ट्रेकिङ एजेन्सिज एसोसियसन अफ नेपाल(टान) कार्यसमितिले त्यहाँ कार्यरत कर्मचारीहरुको रोजगारीको समयावधी घटाउने षड्यन्त्र गरेको भन्दै नेपाल ट्रेकिङ–ट्राभल्स– र्याफ्टिङ–एयरलाईन्स–संस्कृत–पुरातात्विक–कुरियर–कार्गो–कर्मचारी–मजदुर यूनियन (यूनिट्राभ)ले आन्दोलनको चेतावनी दिएको छ । टान कार्यसमितिले त्यहाँ कार्यरत कर्मचारीहरुको कार्यअवधी घटाएर १६ बर्ष कायम गर्नको लागि श्रम कार्यालयमा निबेदन पेश गरेको भन्दै आफुहरु त्यसका विरुद्ध आन्दोलनमा उत्रिने युनिट्राभका अध्यक्ष सुमन पराजुलीले बताए । उनले भने, “यसका लागि भोलि भदौ ३० गते श्रमिकहरुको भेला गर्न लागेका छौं । त्यहि भेलाले सबै निर्णय लिनेछ ।”
उनका अनुसार श्रम कार्यालयले कुनै निर्णय नदिएकै अवस्थामा कर्मचारीहरुसंग १६ वर्ष कार्यअवधीको लागि हस्ताक्षर गराउने कार्य भइरहेको छ । कुनै पनि कर्मचारीले ३ महिना देखि तलब नपाएको अवस्थामा सो सम्झौतामा हस्ताक्षर गरे पछि मात्र तलब दिने भनेर कर्मचारीलाई गुमराहमा राखिदैछ । हामी त्यसका विरुद्ध कडा भन्दा कडा आन्दोलन गर्न बाध्य भएका छौं ।”
प्रकाशित मितिः २०७४ भदौ २९
वि.सं.२०७४ भदौ २९ बिहीवार १६:१३ मा प्रकाशित