काठमाण्डौं । सिप्रदी ट्रेडिङद्वारा आयोजित टाटा मोटर्स कार मेला काठमाडौंको नक्साल ब्यांकेटमा आजबाट सुरु भएकोछ । मेलामा गाडीको निःशुल्क पूर्ण तथा थर्ड पार्टी बीमाको सुविधाका साथै ६.५ प्रतिशत आकर्षक ब्याजदरमा गाडी किन्न सकिने कम्पनीले जनाएको छ ।
कम्पनीका अनुसार मेलामा कार किन्दा चार लाख रुपैयाँसम्म फाइदा हुन्छ । मेलामा टाटा पेसेन्जर गाडीहरुको आकर्षक रेन्ज, बिना झन्झट तुरुन्तै गाडी एक्सचेन्ज अफर, सहज फाइनान्स सुविधा रहेको कम्पनीले जनाएको छ ।
मेलामा मनोरञ्जनात्मक कार्यक्रम समेत रहेका छन् । मेलामा फुड स्टल, बी–बोईङ्ग, नेल पेन्टिङ्ग, गेम स्टल, सागितिक कार्यक्रम र आकर्षक उपहार समेत दिने कम्पनीले जनाएको छ ।
उत्कृष्ट भ्यालुएशनलाई १ सेट मिसलिन टायर, हरेक टेस्ट ड्राइभमा २ वटा मुभी टिकट, बुकिङ्ग गर्नेहरुमध्ये १ जनाको लागि ईन्भर्टर र लक्की बुकिङ्गमा १ जोडीलाई फ्रि थाइल्याण्ड ट्रिप समेत प्रदान गरिने कम्पनीले जनाएको छ ।
मेलामा निशुल्क प्रवेशको व्यवस्था छ । विहिवारदेखि सुरु भएको मेला आइतबारसम्म संचालन हुनेछ । कम्पनीले मेलामा तीन हजार भन्दा बढी दर्शक रहने अपेक्षा गरेको छ ।
२७ साउन २०७३, ८।००
वि.सं.२०७३ साउन २७ बिहीवार ०८:२७ मा प्रकाशित