काठमाडौ। टाटा मोटर्सको लागि नेपालको आधिकारिक वितरक सिप्रदी ट्रेडिङ्गले नयाँ स्टाइलव्याक टिगोर कार नेपाली बजारमा भित्र्याएको छ । चुस्त अत्याधुनिक डिजाइनले टिगोरले प्यासेन्सजर कार सेग्मेन्टमा नयाँपोर्टफोलियो तयार गर्ने कम्पनीको विश्वास रहेको छ ।
टाटाको आधिकारिक बिक्रेता सिप्रदी ट्रेडिङ प्रालिले बुधबार काठमाडौंको एक कार्यक्रम गरी ‘टिगोर’ सार्वजनिक गरेको हो । कम्पनीले यसलाई ‘स्मार्ट, स्टाइलिस एण्ड सेन्सेस्नल’ गाडीका रुपमा चिनाएको छ । युनिक कभ्र्ड ब्याक, ग्लामरस लुक र अल्ट्रा कोजी इन्टेरियरसहितको यो गाडी ‘स्टाइल–ब्याक’ अवधारणामा बलियो रुपमा प्रस्तुत भएको बताईएको छ ।
युरोपियन बजारसम्म पुग्ने लक्ष्यका साथ टाटाले गत मार्चको अन्तिममा टिगोर गाडी भारतीय बजारमा ल्याएको थियो । त्यहाँ अब्बल सावित हुँदै गरेको टिगोर नजिकिएको चाडपर्व र नाडा अटो शोलाई लक्षित गरेर नेपालमा पनि उपलब्ध गराइको छ ।
१.२ लि सेग्मेन्टको यो कार पेट्रोल भेरियन्टमा उपलब्ध रहेको छ भने, २३ लाख ४५ हजार रुपैयाँ सुरुवाती मूल्य तोकिएको छ । टाटा मोटर्स्कका इन्टरनेशनल बिजनेश हेड, जोनी ओम्मेनले यसको डिजाइन भावी पुस्ताको मागहरुलाई ध्यानमा राखेर गरिएकाले यसले सेडान र ह्रयाचव्याक दुबै कारको अनुभूति दिने दाबी गरे । उनले टिगोरले टाटाको पोर्टफोलियो समेत विस्तार भएको दाबीगर्दै नयाँ ग्राहकहरुलाई उक्त उत्पादनको अनुभवगर्न आमन्त्रण समेत गरेका थिए ।
कार्यक्रममा सिप्रदी ट्रेडिङ्गका सिइओ राजनबाबु श्रेष्ठले टिगोरको पहिलो अन्तर्राष्ट्रिय बजार प्रतिनिधि हुनपाएकोमा आफ्नो कम्पनीलाई गर्व लागेको बताए । ह्याच र सेडानबाट बाहिर निस्केर टिगोरले आफैंमा एउटा नयाँ सेग्मेन्ट तयार गरेको उनको भनाई थियो ।
एक्सइ, एक्सटी,एक्सजेड र एक्सजेड(०) भेरियन्टमा उपलब्ध टाटा टिगोर ६ वटा रङ्गहरु कपर ड्याजल, एक्प्रेसो ब्राउन, पर्लसेन्ट ह्वाइट, प्लाटिनम सिल्भर, स्ट्राइकर ब्लू, बेरी रेडमा उपलब्ध छ । उक्तकारमा टाटा मोटर्स ४ वर्ष वा ७५,००० किलोमिटर वारेण्टी प्रदान गर्ने घोषणा गरेको छ ।
प्रकाशित मितिः २०७४ साउन २६
वि.सं.२०७४ साउन २६ बिहीवार १०:२३ मा प्रकाशित
