काठमाण्डौं । चालु आर्थिक बर्षको भदौ मसान्तसम्म राजश्व संकलन २९ प्रतिशतले बढेको छ । यो गत बर्षको भदौसँग तुलना गरिएको हो । भदौसम्मको राजश्व संकलन लक्ष्य २८ अर्ब ७५ करोड ६६ लाख रुपैयाँ रहेकोमा २८ अर्ब ९३ करोड ६ लाख रुपैयाँ राजश्व उठेको हो । लक्ष्यभन्दा १७ करोड ४० लाख रुपैयाँ वढि राजश्व उठेको हो ।
कुल राजश्वमध्ये आयकरतर्फ १२ अर्ब २१ करोड ९७ लाख, मूल्य अभिबृद्धि करतर्फ १० अर्ब ४५ करोड दुई लाख र अन्तशुल्कतर्फ पाँच अर्ब ९१ करोड ६५ लाख रुपैयाँ राजश्व उठेको हो । लक्ष्यभन्दा कम मूल्य अभिबृद्धि कर उठेको छ । बाँकी दुई कर लक्ष्यभन्दा वढि उठेको हो ।
शिक्षा सेवा शुल्क १३ करोड ८३ लाख रुपैयाँ उठेको छ भने स्वास्थ्य सेवा कर २० करोड ५६ लाख ८५ हजार रुपैयाँ उठेको छ । शिक्षा कर लक्ष्यभन्दा वढि उठेको छ भने स्वास्थ्य सेवा कर लक्ष्यभन्दा कम उठेको छ ।
९ असोज २०७३, ३।००
वि.सं.२०७३ असोज ९ आइतवार १६:५१ मा प्रकाशित
