back
NMB ad

चिया किसानले पाएनन् सहुलियत ऋण

Kumari bank ad

बिर्तामोड । अन्य कृषि बालीका लागि सरकारले सहुलियत ब्याजदरको ऋण उपलब्ध गराउने गरेको भए पनि चियाबालीका लागि सुविधा दिएको छैन । चिया क्षेत्रमा संलग्न हजारौं किसान उक्त सहुलियत ऋणबाट बञ्चित भएका छन् ।

अन्य बालीका लागि सहुलियत ऋण उपलब्ध भए पनि चियाबालीका लागि उक्त सुविधा नभएकाले सरकारले भेदभाव गरेको चिया किसान तथा उद्योगीले बताएका छन् । धान, गहुँलगायत कृषि बालीमा सरकारले पाँच प्रतिशत ब्याज अनुदान दिने गरेको छ । चिया खेतीमा संलग्न हजारौं किसान सहुलियत ब्याजदरको उक्त ऋण उपलब्ध गराइनुपर्ने बताउँछन् ।

झापा, इलाम, पाँचथर, धनकुटा, तेह्रथुमलगायत जिल्लामा १५ हजारभन्दा बढी किसान चिया उत्पादनमा संलग्न छन् । राष्ट्रिय चिया तथा कफी विकास बोर्डका अनुसार नेपालमा १४ हजार सात सय ३२ चिया बगान छन् । झापा सबैभन्दा बढी चिया उत्पादन गर्ने जिल्ला हो । तर चिया बगानमा काम गर्ने किसानलाई सरकारको सहुलियत दरको ऋण उपलब्ध छैन ।

झापाका साना चिया किसान कृष्ण पोखरेल भन्छन्, ‘चिया निर्यातजन्य कृषिउपज भएकाले उत्पादनमा प्रोत्साहन गर्न पनि सहुलियत ब्याजदरको ऋण उपलब्ध गराइनुपर्छ । यसले किसान, उद्योगी तथा राष्ट्रलाई नै फाइदा गर्छ । सरकारको भेदभावपूर्ण व्यवहारले चिया किसान वर्षौदेखि मारमा परेको उनले बताए ।

कृषिजन्य वस्तु उत्पादनका लागि बैंकबाट सहुलियत दरको ऋण अन्य बालीलाई दिइने गरिएको छ । १० प्रतिशत ब्याजदरमा ऋण लिइएका किसानलाई ब्याजदरमा सरकारले ५० प्रतिशत अनुदान दिन्छ । सरकारले चिया क्षेत्रमा संलग्न किसानलाई उक्त अनुदान उपलब्ध नगराएकाले आफूहरू भेदभावको शिकार भएको चिया उद्योगी चण्डी पराजुलीको भनाइ छ । उनले भने, ‘धान, गहुँ, उखु, माछालाई दिने चियालाई किन नदिने ? कि सरकारले कृषि बाली होइन चिया भन्नुपर्‍यो ।’

केही दिनअघि कृषि राज्यमन्त्री सरिता प्रसाईं चियाको समस्याबारे बुझ्न झापा र इलाम पुगेर चिया किसान तथा उद्योगीसँग परामर्श गरेकी थिइन् । सोही बेला गोर्खा टि स्टेटका सञ्चालक उदय चापागाईंले चिया क्षेत्रलाई सरकारले अन्याय गरेको बताएका थिए । अनुदानको ऋण पाउनका लागि कृषि बाली कार्यविधिमा सूचीकृत गर्नुपर्ने हुन्छ । तर अहिलेसम्म चियाबाली कार्यविधिमा सूचीकृत नभएको कृषि विकास मन्त्रालयले जानकारी दिएको छ । तर चियाबालीलाई सूचीकृत गराउनका लागि सबै निकाय सम्मिलित बैठकमा आफ्नो प्रयास रहने कृषि विकास मन्त्रालयका प्रवक्ता योगेन्द्रकुमार कार्कीले बताए ।

कार्कीले भने, ‘चियाबालीलाई कार्यविधिमा समावेश गर्नका लागि राष्ट्र बैंक, अर्थ मन्त्रालय, कृषि विकास मन्त्रालय तथा बैंकर एसोसिएसन सम्मिलित बैठकमा कृषि विकास मन्त्रालयको तर्फबाट प्रयास रहनेछ । समावेश नहुनुको कुनै अन्य कारण छैन ।’ नेपालमा वार्षिक करिब दुई करोड ५० लाख केजी तयारी चिया उत्पादन हुने गरेको छ । यसको अधिकांश मात्रा भारत तथा अर्थोडक्स चियाको केही मात्रा अन्य मुलुक निर्यात हुने गरेको छ । चिया तथा कफी विकास बोर्डका अनुसार नेपालमा २७ हजार ६ सय ८८ हेक्टर जमिनमा चिया खेती हुने गरेको छ ।न्यूजएग्रोबाट

फाईल फोटो

प्रकाशित मितिः २०७४ असोज २२

वि.सं.२०७४ असोज २२ आइतवार १०:३२ मा प्रकाशित

You can share this post!

नेपाल इटाली चेम्बर अफ कमर्स एन्ड इन्डस्ट्रीकोे १०औँ वार्षिक साधारण सभा सम्पन्न

नेपाल इटाली चेम्बर अफ कमर्स एन्ड इन्डस्ट्रीकोे १०औँ वार्षिक साधारण सभा सम्पन्न

वि.सं.२०८० चैत १६ शुक्रवार २१:०१

काठमाडौं । नेपाल इटाली चेम्बर अफ कमर्स एण्ड इन्डस्ट्री (एनआईसीसीआई)...

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

वि.सं.२०८० चैत १६ शुक्रवार २०:५३

काठमाडौँ । द ब्रिटिस कलेज (टीबीसी)ले यस पटक पनि अन्तर्राष्ट्रिय...

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

वि.सं.२०८० चैत १६ शुक्रवार २०:१५

काठमाडौं ।नेपाल लाइफ क्यापिटलले नेपाल लाइफ इन्स्योरेन्ससंगको समन्वयमा १८ मार्च...

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

वि.सं.२०८० चैत १६ शुक्रवार २०:०७

काठमाडौं । एनआईसी एशिया बैंकले वित्तीय साक्षरता अभिवृद्धि गर्ने उद्देश्यका...

राजस्व छलीका गाडी र मोटरसाइकलसहित तीनजना पक्राउ   

राजस्व छलीका गाडी र मोटरसाइकलसहित तीनजना पक्राउ   

वि.सं.२०८० चैत १६ शुक्रवार १९:५८

काठमाडौँ, १६ चैत : राजस्व छलीका गाडी र मोटरसाइकलसहित तीनजनालाई...

आगामी आर्थिक वर्षका लागि बजेट लेखन समिति गठन   

आगामी आर्थिक वर्षका लागि बजेट लेखन समिति गठन   

वि.सं.२०८० चैत १६ शुक्रवार १९:५१

काठमाडौँ, १६ चैत : अर्थ मन्त्रालयले आगामी आर्थिक वर्ष २०८१/८२...