विराटनगर । एक्स्काभेटरको लापर्बाहीका कारण यहाँको मुख्य बजार क्षेत्रका सयौँ टेलिफोन लाइन गए रातिदेखि अवरुद्ध भएका छन्।
सडक विस्तारका लागि एक्स्काभेटरले शनी मन्दिरनजिक माटो खन्दा टेलिकमको भूमिगत केबुलको तार काटिएपछि सतही टेलिफोन अवरुद्ध भएको हो । टेलिकमका मर्मत शाखा प्रमुख शम्भुप्रसाद चौधरीले सम्बन्धित पक्षलाई भूमिगत केबुल रहेको सम्बन्धमा जानकारी गराए पनि गए राति एक्स्काभेटरले माटो खन्ने क्रममा केबुलको तारमा क्षति भएको जानकारी दिए ।
पूर्ववत् अवस्थामा टेलिफोन सेवालाई सञ्चालन गर्न कम्तीमा तीनदिन लाग्ने उनले बताए ।
२५ जेठ २०७३, ४।३०
वि.सं.२०७३ जेठ २५ मंगलवार १७:०७ मा प्रकाशित