काठमाण्डौं । सन् २०१७का लागि द हिडन ट्रेजर मिस नेपाल प्रतियोगिता घोषणा भएको छ । आज आयोजित कार्यक्रममा प्रतियोगिताको २२ औं संस्करण बारे जानकारी दिइएको हो। मिस नेपाल २०१७का लागि अडिसन अप्रिल दोस्रो साता काठमाडौंमा हुँदैछ।
जुन २ मा हुने अन्तिम प्रतियोगिताका लागि २५ प्रतियोगी छनोट हुनेछन्। छानिएका प्रतिस्पर्धीले ६ हप्ता लामो प्रशिक्षण पाउने आयोजकले जानकारी दिए।
मिस नेपाल २०१६ को संस्करणसम्म मुख्य विजेताले मिस वर्ल्ड, फस्ट रनर्स अपले मिस अर्थ र सेकेन्ड रनर्स अपले मिस इन्टरनेशनलमा सहभागिता जनाउन पाउँथे। यस वर्षदेखि भने थर्ड रनर्सअपले पनि मिस एसिया प्यासिफिकमा भाग लिन पाउने भएको छ।
८ चैत २०७३, ११।००
वि.सं.२०७३ चैत ८ मंगलवार १३:५८ मा प्रकाशित