काठमाण्डौं । प्रकाश र रंगको पर्व तिहारमा झण्डै १ अर्ब ५० करोडभन्दा बढी मूल्य बराबरको झिलिमिली बत्तीको कारोबार हुने नेपाल इलेक्ट्रिक व्यवसायी महासंघले जनाएकोछ ।
अहिले तिहारका लागि बजारमा यस्ता बत्तीको कारोबार सुरु भइसकेको छ । इलेक्ट्रिक पसलदेखि विभिन्न खुद्रा पसलहरुमा समेत सिजनल ब्यापारका रुपमा यो बत्ती बेच्ने क्रम सुरु भएको छ । सडकपेटीमै पनि यो बत्ती बेच्नेहरु भेटिन्छन् ।
महासंघका अध्यक्ष तेजनारायण खरेलका अनुसार यसवर्ष तिहारका लागि झण्डै ७० करोड रुपैयाँ भन्दा बढीको बत्ती विदेशबाट आयात भएको छ । झण्डै डेढ सयभन्दा बढी होलसेलरहरुले तिहारका लागि यत्तिको बत्ती झिकाएका हुन् । ‘तिहारका लागि भारत र चीनबाट केही बत्ती नेपाल आयात गरिसकिएको छ भने केही आयात हुने क्रममा छन् । यस्ता बत्तीमध्ये ९० प्रतिशत चीनबाटै आयात हुने अध्यक्ष खरेलले बताए ।
न्युनतम प्रतिगोटा १ सयदेखि २०र२५ हजार रुपैयाँसम्म पर्ने बत्तीहरु तिहारका लागि आयात हुन्छ । प्रायः बल्ने/निभ्ने गुण हुने भएकाले यस्ता बत्तीमा उपभोक्ताले घर, बगैँचा, कार्यालय, बिजनेश मल लगायतको सजावट गर्न यसको अत्याधिक प्रयोग गर्छन् ।
५ कार्तिक २०७३, ११।००
वि.सं.२०७३ कात्तिक ५ शुक्रवार १२:३५ मा प्रकाशित
