काठमाण्डौं । टुरिजम् डेभलपमेन्ट बैंकले चालु आर्थिक बर्षको तेस्रो त्रैमास अर्थात चैत मसान्तसम्ममा ९ करोड ८४ लाख नाफा कमाएको छ । गत बर्षको यसैअवधि तुलनामा बैंकको नाफा ३८ प्रतिशतले बढेको हो ।
गत आर्थिक वर्षको यसै अवधिमा बैंकले ७ करोड १८ लाख नाफा आर्जन गरेको थियो । बैंकको निक्षेप, कर्जा, ब्याज आम्दानी तथा संचालन मुनाफा सबैमा बढ्त्तोरी भएपछि नाफा बढेको हो । ७८ करोड ६९ लाख चुक्ता पूँजी रहेको बैंकको जगेडा कोषमा १९ करोड ३३ लाख रुपैंयाँ रहेको छ ।
यस अवधिमा बैंकले ७ अर्ब ५२ करोड निक्षेप संकलन गरी ६ अर्ब ३० करोड रुपैंयाँ कर्जा प्रवाह गरेको छ । बैंकको प्रति सेयर आम्दानी १६ रुपैंयाँ ६८ पैसा रहेको छ भने प्रति सेयर नेटवर्थ १२४ रुपैंयाँ ५७ पैसा छ ।
राष्ट्रियस्तरको विकास बैंक टुरिजम् डेभलपमेन्ट बैंकले दोल्खामा केन्द्रीय कार्यालय रहेको कालिञ्चोक डेभलपमेन्ट बैंक र सिन्धुलीमा रहेको एक जिल्ले मातृभूमि विकास बैंक एक्विजिसनको प्रक्रियामा रहेको छ ।
१३ बैशाख २०७३, १२.००
वि.सं.२०७३ वैशाख १३ सोमवार १२:३५ मा प्रकाशित
