काठमाण्डौं । नेकपा एमालेमा दिवंगत नेताहरुको नाममा प्रतिष्ठान खोलेर गुटबन्दी गर्ने रोग फैलिएको भन्दै नेताका नाममा खुलेका प्रतिष्ठानलाई पार्टीकरण गर्न प्रस्ताव पेश भएको छ । जारी केन्द्रीय कमिटी बैठकमा केन्द्रीय सदस्य सूर्य थापाले लिखित प्रस्ताव राख्दै प्रतिष्ठानहरुमाथि अंकुश लगाउन माग गरेका हुन् ।
उनको लिखित प्रस्तावमा ‘पार्टी नेताका नाममा प्रतिष्ठान/फाउण्डेसन/केन्द्र इत्यादि आफूखुसी गठन गरी गुटबन्दीको खेलमैदान बनाउन बन्द गरिनुपर्छ । पार्टीको स्वीकृतिबेगर गठन भएकारखोलिएका यस्ता संरचनाहरुलाई पार्टीको दायरा र संस्थागत योजनामा देश, जनता, समाज र सम्बन्धित आदरणीय नेतारअग्रज र सहिद कमरेडहरुको प्रतिष्ठा र सम्मान अभिबृद्धि गर्ने गरी संचालन गर्नुपर्छ ।’
एमाले पर्यटन बिभाग प्रमुख समेत रहेका थापाले नेपालमा पर्यटन विश्वविद्यालय स्थापनामा पार्टीले तत्कालै अवधारणा अघि सार्नुपर्ने प्रस्ताव समेत राखेका छन् ।
थापाको प्रस्तावमा भनिएको छ, ‘देशभित्रै उच्च गुणस्तरीय र अुनुसन्धानमूलक पर्यटन शिक्षा हासिल हुने गरी ‘पर्यटन विश्वविद्यालय’ स्थापनामा अविलम्ब जोड दिनुपर्छ । पार्टीले यसै केन्द्रीय कमिटी बैठकद्धारा त्यसको अगुवाई र अठोट सार्वजनिक गर्नुपर्छ’ ।
९ असोज २०७३, ११।००
वि.सं.२०७३ असोज ९ आइतवार १२:४४ मा प्रकाशित