काठमाडौँ । नेपालमा ड्राइभ टुरिजम् तथा पार्किन्सन रोगबारे जनचेतना अभिवृद्धिका लागि आगामी जुन २१ अर्थात् असार ७ गते मेची टु महाकाली च्यालेन्ज राइड’ हुने भएको छ । प्रमोद श्रेष्र्ठ गुफी ’ले यो राइड २४ घण्टामा समापन गर्ने भएका हुन् । उनले यो राइड महेन्द्र राजमार्गको पूर्वदेखि पश्चिमसम्म गर्दैछन् ।
यस द एमटुएम च्यालेन्ज हिमालयन इन्फिल्डर्सको आयोजनामा हुन लागेको हो । यसलाई नेपाल पर्यटन बोर्डले प्रवद्र्धन गर्ने भएको छ ।
राइडर प्रमोद श्रेष्ठका अनुसार २४ घण्टाको राइड भनिएपनि यस द यमटुएम च्यालेन्ज जुन १९ बाट प्रारम्भ भई जुन २४ मा समापन हुनेछ । यस च्यालेन्जको सुरुवात जुन १९ को बिहान ८ बजे काँकडभिट्टाबाट सुरुवात भइ भोलिपल्टको बिहान ८ बजे महेन्द्रनगरमा पुगेर अत्य हुने छ । यस सँगसगै पार्किन्सन रोगको बारेमा जनचेतना जगाउने खालका कार्यक्रम आयोजना गरिने छ । यसका लागि उनका साथमा अन्य राइडरहरुको सहभागिता रहनेछ ।
कार्यक्रममा सहभागी नेपाल पर्यटन बोर्डका बोर्ड सदस्य कृष्णकुमार अर्यालका अनुसार नेपालमा पहिलो पटक हुन लागेको द यमटुएम च्यालेन्जले डाईभ टुरिजमका माध्यमबाट नेपालको पर्यटन क्षेत्रको प्रचारप्रसारमा महत्वपूर्ण सहयोग पुर्याउने विश्वास व्यक्त गरे ।
फ्रेन्ड्स अफ रोयल इन्फिडर्स (फोन), नेपाल अटोमोबाइल्स एसोसिएसन (नासा), नेपाल मोटरसाइकल फेडरेसन क्लब( एनएमएफसी), रोयल इन्सिल्ड नेपाल, एभरेष्ट बैँक र बुद्ध एयरले द यमटुएम च्यालेन्जलाई सहयोग गर्ने भएका छन् ।
प्रकाशित मितिः २०७४ असार १
वि.सं.२०७४ असार १ बिहीवार १७:५८ मा प्रकाशित