काठमाण्डौं । सरकारले छतमा यात्रु नराख्न निर्देशन दिएपछि नाफा नहुने भन्दै बस व्यवसायीले दशैंका लागि अग्रिम बुकिङ खुलाएको तीन दिनमै टिकट काट्न बन्द गरेका हुन् । अहिले गोंगबुको नयाँ बसपार्कमा पश्चिम रुटका सबै काउण्टरमा बुकिङ बन्द छ ।
सरकारले सिट भन्दा बढी यात्रु राख्न नदिएपछि व्यवसायीहरुले बुकिङ बन्द गरेका हुन् । सरकारले भएका गाडीमा सिटको एक चौथाई बढी यात्रु मुडा अथवा छतमा राखेर लान दिनुपर्ने माग गर्दै व्यवसायीहरुले अग्रिम बुकिङ बन्द गरेका हुन् ।
बस व्यवसायीहरुका अुनसार दसैं अवधिभर आवत जावत गर्नका लागि चार हजार गाडीको आवश्यक पर्छ तर व्यवसायीसँग एक हजारवटा साना, मध्यम तथा ठुला गाडी मात्र तयारी अवस्थामा छन् । यही विषयमा आज समस्या समाधानका लागि सरकार र व्यवसायीहरु बीच वार्ता हुँदैछ ।
१२ असोज २०७३, ११।००
वि.सं.२०७३ असोज १२ बुधवार १२:०२ मा प्रकाशित
