काठमाडौ । सरकारले अहिले चोरबाटोबाट कानुन ल्याएर यातायात मजदुरलाइ फसाउन खोजेको भन्दै सोही किसिमको कानुन ल्याउ त्यसको ससक्त प्रतिबाद गरिने चेतावनी दिएका छन् ।
नेपाल यातायात स्वतन्त्र मजदुर संगठन सुर्खेतको जिल्ला भेला कार्यक्रममा मजदुर नेताहरुले यस्तो चेतावनी दिएको नेपाल यातायात स्वतन्त्र मजदुर संगठनका उपाध्यक्ष अर्जुन अर्यालले बताए ।
कार्यक्रमका प्रमुख अतिथि जिफन्टका सचिव तथा ६ नं. प्रदेश संगठन कमिटिका संयोजक कमल गौतम यातायत मजदुरलाई सम्बोधन गर्दै भने–यदि मजदुर मारा कानुन ल्याएमा यातायात मजदुरहरु मुकदर्शक भएर बसिरहने छैन । यहाँ आन्दोलनको आँधी आउनेछ र न्यायपूर्ण आन्दोलनमा यातायात संगठन र देशभरका मजदुरहरु आन्दोलीत हुनेछन् । जिफन्टले न्यायपूर्ण आन्दोलनको सुभारम्भ गरिसकेको छ । श्रमिकको शक्ति बन्दुकको नालबाट निस्केको गोली भन्दा तेज र स्पातिलो हुनेछ ।
उनले जनतालाई नेल र हतकडीको त्रास देखाउने होईन जनताको मन जितेर सरकारले काम गरेर देखाओस् ।
जिफन्ट ६ नं. प्रदेश संगठन कमिटि सचिव तथा यातायात ईन्चार्ज पुर्ण वहादुर केसीको अध्यक्षता उक्त भेलाले तुलवहादुर वुढाथोकी मगरको अध्यक्षतामा ११ सदस्यीय सुर्खेत जिल्ला समिति समेत गठन गरेको छ । कमिटिको उपाध्यक्ष, सचिव, सह–सचिव, कोषाध्यक्ष र सदस्यहरुमा क्रमशः रन्जन शाही (नर), कुल वहादुर शाही, चक्र वहादुर शाही, विश्वास वली, ओम वहादुर थापा, मोहन वहादुर मगर, बबोराज रेग्मी, नरेन्द्र शाही, वल वहादुर शाही, पदम वहादुर पुन मगर रहेका छन ।
प्रकाशित मितिः २०७३ मंसिर ९
वि.सं.२०७३ मंसिर ९ बिहीवार १६:१६ मा प्रकाशित
