काठमाडौ । त्रिभुवन अन्तरराष्ट्रिय विमानस्थल भन्सार कार्यालयको परिसर भित्र विगत लामो समय देखि दिनदाहाडै अबैध रकम असुली क्रियाकलाप भईरहेको खुलासा भएको छ । सरकारमा रहेका दुई पार्टी निकट (एनेकपा माओवादी र नेपाली कांग्रेस)को राजनैतिक आडमा दिनहुँ लाखौ असुली भइ खुल्न आएको हो ।
सरकारी निकायको आँखा अगाडि यी कार्य भईरहेकोबारे विभिन्न निकायमा उजुरी परेतापनि एनेकपा माओवादीसम्बद्ध माथिल्लो नेतृत्वसंग लाभिंग गर्दै चक्रबहादुर खत्री र नेपाली कांग्रेससम्बद्ध शिव लामिछानेको नेतृत्वमा प्रशासनका विभिन्न तहमा रहेका व्यक्तिहरुलाई प्रलोभन देखाई दैनिक अबैध रकम असुल्दै आएको बताईन्छ ।
प्राप्त जानकारी अनुसार राजनीतिक आडमा मजदुर संघको नाममा विदेश बाट दुःख गरि आफ्नो निजि प्रयोगका समान लिन आउने व्यक्तिहरु संग उनीहरुले जबरजस्ती प्रति केजी रु २.५० का दरले पैसा असुल्दै आएका छन् र विदेश बाट कार्गो भइ आफ्नो कम्पनीको नाममा आयात गरेका व्यापारीहरु संग समेत फर्जी बिल काटी प्रति केजी रु२.५० का दरले पैसा असुलेका छन् ।
यसबारे भन्सार कार्यालयलाई अख्तियार दुरुप्रयोग अनुसन्धान आयोगले पनि पटक–पटक पत्र काटी सो बारे वुझ्न खोज्दा पनि विभिन्न प्रलोभनका कारण अख्तियारको उक्त कार्य सफल नभएको बताईन्छ ।
यसबारे भन्सार कार्यालयले मिति २०७४–०५–०६ मा पैसा असुल्ने जस्ता अबैध क्रियाकलाप नगर्न र कसैले गरेको पाइएमा कानुन बमोजिम कडा कारबाही गर्ने भनि एक सूचना प्रकाशित गरेपनि त्यो सूचनाको खिल्ली उडाउने कार्य भईरहेको छ । यसले भन्सार प्रशासक नै कतै आर्थिक प्रलोभनामा परेका हुन् कि भन्ने प्रश्न उठ्न थालेको छ ।
त्रिवि भन्सार कार्यालय बाट दैनिक न्यूनत्तम ५० टन (५०,००० केजी) समान आयात हुने गर्छ ,मासिक १५,००,००० केजी बराबरको अबैध असुली भईरहेको देखिन्छ ।
यसबाट एनेकपा माओवादीका ५१ जना र नेपाली कांग्रेसका ३० जनाले प्रति व्यक्ति मासिक रु ४६२९६ बराबर अबैध रकम असुली गर्ने गरेको हामीलाई प्रप्त सूचनामा उल्लेख छ ।
प्रकाशित मितिः २०७४ भदौ १२
वि.सं.२०७४ भदौ १२ सोमवार १२:४७ मा प्रकाशित
