काठमाडौ।कोलकाता इन्डो–नेपाल ट्रक एण्ड टेलर ओनर्स वेलफेयर एशोसिएसनले गरेको हड्ताल फिर्ता भएको छ। एक सातादेखि भाडा बढाउने माग गर्दै ढुवानी ठप्प पारेको एशोसिएसनले शनिबार हड्ताल फिर्ता लिएका हुन्।
कोलकातास्थित महावाणिज्यदूत एकनारायण अर्यालले ट्रक हड्ताल फिर्ता भएको बताउँदै रोकिएका समान नेपालतर्फ हिड्ने बताए। उनका अनुसार एक सातामा करिब पाँच सय ट्रक सामान रोकिएका छन्। अर्यालले कोलकातामा रहेको प्रशासनको सहकार्यमा हड्ताल फिर्ताका लागि पहल गरेका थिए।उनले हड्तालका कारण अत्यावश्यक वस्तु समेत रोकिएको भन्दै प्रशासनलार्इ चाडै हड्ताल टुंग्याउन आग्रह गरेका थिए।
नेपाल फ्रेट फरवार्डस एशोसिएसनले ट्रक व्यवसायीको हड्तालका कारण डिटेन्सन तिर्नुपर्ने भन्दै तत्काल समस्या समाधानको लागि आग्रह गरेको थियो।फाईल फोटो
प्रकाशित मितिः २०७४ जेठ २८
वि.सं.२०७४ जेठ २८ आइतवार १३:१८ मा प्रकाशित