काठमाण्डौं । हिमालयन बैंक लिमिटेडको एक लाख ४५ हजार पाँच सय ८० कित्ता तथा नागबेली लघुवित्त कम्पनीको २० हजार चार सय ७२ कित्ता सेयर लिलाम हुने भएको छ । हकप्रद निष्काशनका दौरान सबै सेयरमा आवेदन नपरे पछि दुई संस्थाले उक्त परिमाणको सेयर लिलाम हुन लागेको हो ।
हिमालयनले सात अनुपात एक कित्ताको दरले कुल ६४ लाख २७ हजार तीन सय ५० कित्ता सेयर हकप्रद निष्काशन गरेको थियो । कात्तिक २६ देखि मंसिर ३० सम्म निष्काशित बैंकको हकप्रदमा ११ हजार सात सय आवेदकले निवेदन दिएका थिए । बैंकले माघ दुई गते नियमानुसार ६२ लाख ८१ हजार ७७० कित्ता सेयर आवेदकलाई बाँडफाँड गरिसकेको छ भने बाँकी सेयर बोलकबोलबाट बैंकले बिक्री गर्ने भएको हो ।
त्यस्तै, नागबेली लघुवित्त कम्पनीको पनि २० हजार चार सय ७२ कित्ता सेयर लिलामीमा आउनेको भएको छ । कम्पनीले कुल एक लाख २५ हजार कित्ता हकप्रद मंसिर २० गतेदेखि माघ १० गतेसम्म निष्काशन खुला गरेको थियो । जसमध्ये कम्पनीले तीन हजार सात सय ८० आवेदकलाई फागुन आठ गते एक लाख चार हजार पाँच सय २८ कित्ता बाँडफाँड गरेको छ । बाँकी २० हजार चार सय ७२ कित्ता भने बोलकबोलबाट बिक्री गर्नेछ ।
११ फागुन २०७३, ११।००
वि.सं.२०७३ फागुन ११ बुधवार ११:२७ मा प्रकाशित
