उदयपुर । उद्योगको प्लान्ट मेसिनको दाँती बिग्रेका कारण २५ दिनदेखि सिमेन्ट उत्पादन गर्न बन्द हुँदै आएको जिल्लाको जलजलेस्थित उदयपुर सिमेन्ट उद्योग आज शुक्रबार साँझदेखि सञ्चालन हुने भएको छ।
उद्योगको प्लान्ट मेसिनको दाँतीलाई तत्काल भारतमा लगेर मर्मत गरेर ल्याएपछि केही महिनाका लागि उद्योग सञ्चालन हुन सहज भएको हो। उद्योग बन्द हुँदा दैनिक एक करोड रुपैयाँको बराबर सिमेन्ट उत्पादनमा घाटा हुने गरेको उद्योग प्रशासनले बताएको छ।
२६ चैत २०७२, ८.००
वि.सं.२०७२ चैत २६ शुक्रवार ११:१२ मा प्रकाशित
