काठमाडौ । नेकपा एमालेका उपमहासचिव घनश्याम भुषालले अबको राजनीति कम्युनिष्टको हातमा रहने र त्यसको स्टेरिङ एमालेको हातमा हुने दाबी गरेका छन् । नेकपा एमाले पर्यटन इलाका कमिटी उद्योग व्यवसायी शाखाद्धारा ठमेलमा आयोजित पर्यटन विकासमा चाडपर्व तथा संस्कृतिको महत्व विषायक अन्तक्रिया कार्यक्रममा उनले नवौं महाधिवेशनको विचारलाई स्थापीत गर्न नसक्दा एमाले गुटबन्दीमा फस्न गएको भन्दै सोही विचार अनुसरण गर्दै अगाडि बढ्दा एमालेको नेतृत्वमा यो मुलुकले सही बाटो लिने बताए ।
महाधिबेसन पछि गुटबन्दी गर्ने पार्टीको नीति नभएको भन्दै उनले भने, ʽअब नेकपा एमाले पार्टीको अध्यक्ष हुन् कि साधारण सदस्य जसले पनि राष्ट्रिय पुँजीको विकास गर्ने र समाजवादको तयारी गर्ने तिर लाग्नुपर्छ ।ʼ गुटबन्दी गर्ने पार्टीको नीति नभएको भन्दै उनले अब खुट्टा तानातान र चरित्र हत्या नहुनेमा सहभागीहरुलाई विश्वस्त गराए ।
आगामि सत्ताको नेतृत्व गर्नेलाई राष्ट्र हित विपरित गलत काम गर्न नदिन एमालेले खबरदारी गर्ने र देशलाई समृद्ध पार्ने तिर लाग्ने बताए । जनताको पक्षमा आवाज उठाउँदै आएको एमालेले प्रतिपक्षमा रहँदा पनि देशलाई सहि दिशामा अगाडि बढाउन आवाज उठाउने उनको भनाई थियो ।
प्रकाशित मिति: २०७३ साउन १५
वि.सं.२०७३ साउन १५ शनिवार १७:५७ मा प्रकाशित