काठमाडौ । युनाइटेड फाइनान्सले सेयरधनीलाई १९ प्रतिशत बोनस सेयर दिने प्रस्ताव गरेको छ । फाइनान्सको सोमबार बसेको सञ्चालक समिति बैठकले गत आर्थिक वर्षको कमाईबाट बोनस सेयर दिने प्रस्ताव गरेको हो । तर कम्पनीले कर बापतको रकम भने सेयरधनीलाई नै तिराउने सूचनामा उल्लेख छ ।
प्रस्तावित बोनस नेपाल राष्ट्र बैंकको स्वीकृति पश्चात र कम्पनीको वार्षिक साधारणसभाबाट पारित भएपछि लगानीकर्तालाई वितरण गरिनेछ ।
यस्तै भारतको कोचीस्थित मुथहुट फाइनान्स लिमिटेडलाई वैदेशिक रणनीतिक साझेदारीको रुपमा भित्राउने भएको छ । मुथहुटलाई २० प्रतिशत अर्थात २१ लाख कित्ता संस्थापक सेयर बिक्री दिएर साझेदार बनाउने कम्पनीको योजना छ ।
प्रकाशित मितिः२०७४ भदौ २८
वि.सं.२०७४ भदौ २८ बुधवार १२:०५ मा प्रकाशित