पोखरा । काठमाडौंबाट वागलुङ बुर्तिबाङ गइरहेको यात्रुबहाक बस हेम्जाको याम्दी पुल नजिकै बस दुर्घटना हुँदा एक बालक र एक महिलाको मृत्यु भएको छ । घटनामा २८ जना घाइते भएका छन् । मृत्यु हुनेमा गुल्मीको नेटा घर भएका एकै घरका हजुरआमा र नाती रहेको कास्की प्रहरीले बताएको छ । मृतकको नं थर भने खुलेको छैन ।
ग १ ख ६१६९ नम्बरको रात्री बस याम्दी पुल भन्दा करीब ५० मिटर माथि दुर्घटनामा भएको स्थानीयले जानकारी दिए ।
एकै दिशा तर्फ नै गइरहेको अर्को एक बसलाई ओभरटेक गर्ने क्रममा बस अनियन्त्रित भई पल्टिएको प्रत्यक्षदर्शी स्थानीयले बताए । तिव्र गतिमा भएको बसले घुम्तीमा ओभरटेक गर्न खोज्दा बस अनियन्त्रित भएको प्रहरीको भनाइ छ ।
घाइतेहरुलाई उपचारका लागि मणिपाल शिक्षण अस्पताल र पश्चिमाञ्चल क्षेत्रीय अस्पताल पोखरा पठाइएको छ । घटना विहान ५ बजेर ४० मिनेटमा भएको हो ।
१७ असोज २०७३
वि.सं.२०७३ असोज १७ सोमवार ०७:२९ मा प्रकाशित
