काठमाण्डौं । हाइड्रो चाइना कर्पोरेसनले १ सय २ मेगावाटको माथिल्लो त्रिशुलीमा ३५ अर्ब ४३ करोड रुपैयाँ लगानी गर्ने प्रस्ताव गरेको छ । सो आयोजनामा शतप्रतिशत लगानी गर्न इच्छुक भएको बताउँदै कर्पोरेशनले रसुवाको गुल्जुङ र गेल्टाङमा आयोजना बनाउने प्रस्ताव राखेकोछ ।
लगानी बोर्डले पहिलो डिल गरिसकेपछि सो कम्पनीले प्रत्यक्ष वैदेशिक लगानीको स्वीकृतिका लागि उद्योग विभागमा आवेदन दिएको छ । नेपालमा आउने सबै प्रत्यक्ष वैदेशिक लगानीलाई उद्योग विभागले स्वीकृति दिनुपर्छ ।
उद्योग विभागबाट स्वीकृति पाएपछि कम्पनीले आयोजना निर्माणका लागि नेपाल विद्युत प्राधिकरणबाट जेनेरेसन लाइसन्स लिनुपर्ने कानूनी व्यवस्था छ ।
३० जेठ २०७३, ९।००
वि.सं.२०७३ जेठ ३० आइतवार १२:४० मा प्रकाशित