Your service title

Give us a brief description of the service that you are promoting. Try keep it short so that it is easy for people to scan your page.

सोमबार, मंसिर ४ , २०७४  |  
Monday, November 20, 2017

२५ लाख मूल्य बराबरको छात्रवृत्तिको यो अफर तपाईलाई काम लाग्न सक्छ

February 21, 2017

scholarships

काठमाण्डौं । न्यूयोर्कस्थित टेक्नोलोजी कम्पनी फ्यूज मेसिन्सले नेपाली विद्यार्थीलाई २५ लाख मूल्य बराबरको आर्टिफिसियल इन्टेलिजेन्स छात्रवृत्ति  प्रदान गर्ने भएको छ। २०१७ देखि सुरु हुने यस छात्रवृत्ति कार्यक्रम एक वर्षसम्म लागू हुने कम्पनीले जारी गरेको प्रेस विज्ञप्तीमा छ।

नेपाली सफ्टवेर इन्जिनियरलाई आर्टिफिसियल इन्टेलिजेन्स, नेचुरल ल्याङ्गवेज प्रोसेसिङि र मेसिन लर्निङ्ग जस्ता प्रविधिमा दक्ष बनाउन यो कार्यक्रम ल्याइएको कम्पनीले जानकारी दिएको छ।

फ्यूज मेसिन्सले यो कार्यक्रम अमेरिकास्थित विभिन्न टेक्नोलोजी सस्थासंगको साझेदारीमा ल्याउन लागेको हो। छात्रवृत्ति कार्यक्रममा छनोट हुने विद्यार्थीले सेल्फ ड्राइभिङ कार, ड्रोन डेलिभरी, अटोमेटेड डाइलग सिस्टम जस्ता प्रोजेक्टमा सहभागी हुन पाउनेछन्।

छात्रवृत्ति कार्यक्रम कम्प्युटर साइन्स तथा इन्फोर्मेसन टेक्नोलोजी अध्ययन गरिरहेका  विद्यार्थीकालागि उपयुक्त हुनेछ।

छनोट प्रक्रिया पूर्णरुपमा योग्यता र आर्टिफिसियल इन्टेलिजेन्स विषयको लगावका आधारमा गरिने कम्पनीले जानकारी दिएको छ। निवेदन दिने विद्यार्थीकालागि नेचुरल ल्याङ्गवेज प्रोसेसिङि, मेसिन लर्निङ्ग, सेम्यान्टिक्स्, टेक्सटुअल इन्टलमेन्ट र कम्प्युटर भिजनमा रुचि हुन आवश्यक रहेको कम्पनीले जारी प्रेस विज्ञप्तीमा छ। छनोट हुने हरेक २५ विद्यार्थीलाई मेन्टरसँग साझेदार गराएर  छात्रवृत्तिको तालिकाअनुसार आर्टिफिसियल इन्टेलिजेन्स सम्बन्धि प्रोजेक्टमा सहभागी गराइनेछ।

सन् २०१२ मा स्थापना भएका ुफ्यूज मेसिन्स्ुमा न्यूयोर्क, क्यानडा र नेपालगरी १४० भन्दा बढी कर्मचारी कार्यरत छन्। विगत ४ वर्षदेखि कम्पनीले उपभोक्ता र व्यापारमा हुने समस्या समाधान गर्न जटिल आर्टिफिसियल इन्टेलिजेन्स प्रोडक्टहरु निरन्तर रुपमा बनाइराखेको छ। अहिले फ्यूज मेसिन्समा कार्यरत सफ्टवेयर इन्जिनियर मेसिन लर्निङ्ग, डाटा साइन्स र नेचुरल ल्याङ्गवेज प्रोसेसिङिमा दक्ष छन्।

१० फागुन २०७३, बिजमाण्डु, ११।००

यसमा तपाइको बिचार

इमेल गोप्य राखिनेछ



सम्बन्धित शीर्षकहरु