काठमाण्डौं । अल्टिच्युड इनोभेसन प्रालिले राजधानीसँगै जोडिएको कीर्तिपुरको चोभारमा २५ करोड लगानीमा अत्याधुनिक एम्युज्मेन्ट वाटरपार्क संचालनमा ल्याएको छ।
विदेशको एम्युज्मेन्ट पार्कको अवधारणामा निर्माण गरिएको यो हुप्पील्याण्ड पार्कमा सबै उमेर समूहकाले मनोरञ्जन गर्न सक्ने कम्पनीले जनाएकोछ । ६० रोपनी क्षेत्रफलमा निर्माण भएको यो वाटरपार्कमा २३ भन्दा बढी खेलको व्यवस्था गरिएको छ।
वाटरपार्कको विशेषता भनेको यहाँ रहेको डाइनासोर पार्क र ३ सय ६० डिग्रीमा घुम्ने रेञ्जर होे । यो वाटर पार्कले विभिन्न विधामा गरी १ सय ५ जनालाई रोजगारी दिएको छ।
यो वाटरपार्क प्रवेशका लागि वयस्कलाई आठसय २५ र बालबालिकालाई चार सय ७५ रुपैयाँ तोकिएको छ। अहिलेलाई भने कम्पनीले प्रमोसनल अफर भनेर यही जुलाई २० तारिखसम्म जानेका लागि वयस्कलाई चारसय ९५ र बालबालिकालाई दुईसय ९५ रुपैयाँ लिने गरेको छ ।
२४ असार २०७३, १०।४५
वि.सं.२०७३ असार २४ शुक्रवार १२:३१ मा प्रकाशित