रविना पौडेल, काठमाडौ । विश्वका धनाढ्यबारे यो वर्ष नयाँ रेकर्ड कायम भएको छ । यो वर्ष अर्बपतिहरुको संख्या १३ प्रतिशतले बढेको छ । यो संख्या गत ३१ वर्षको अबधिमा गरिएको फोब्र्सको गणनामा सबै भन्दा घेरै संख्या रहेको फोब्र्स म्यागाजिनले जनाएको छ ।
बीलगेट्सः माइक्रोसफ्टका संस्थापक विल गेट्स यस बर्ष पनि अर्बपति सूचीको पहिलो स्थानमा रहन सफल भए। उनले गत वर्षंको ७५ अर्ब अमेरीकी डलरबाट आफुलाई फड्को मारेर ८६ अर्ब अमेरीकी डलर पुर्याउन सफल भएका छन् ।
पछिल्ला २३ बर्ष मध्ये १८ बर्ष उनी फोर्ब्स अर्बपति सूचीको एक स्थानमा छन्।
जेफ बेजोसः जेफ बेजोसको लागि यस वर्ष सर्वश्रेष्ठ वर्ष बन्न पुगेको छ । उनी हाल विश्वको पाँचौँ धनीबाट तेस्रो धनीको स्थानमा पुगेका छन् । उनको गत वर्षभन्दा २७ खर्ब ६ करोड अमेरीकी डलर बराबरको सम्पति बढाएर ७२ अर्ब ५ करोड पुर्याएका छन् ।
वारेन बफेटः वारेन बफेटलाई सन् २०१६ को नोबेम्वरमा सम्पन्न निर्वाचनमा अमेरिकाको राष्ट्रपतिमा डोनाल्ड ट्र««म्प निर्वाचित भएसँगै ज्यादै फाइदा पुगेको छ । उनको सम्पत्ति १२ महिनामा १४ अर्ब ८० करोड अमेरिकी डलरले बढेर ७५ अर्ब ६० करोड डलर पुगेको छ। उनको १२ महिनाको १४.८ अरब अमेरिकी डलरको फड्को नै अम्यानकोइ अर्टिगाबाट देस्रो स्थान फिर्ता लिन काफी बन्न पुग्यो ।
अमान्सिओ ओर्टेगाः स्पेनका अमान्सिओ ओर्टेगा स्पेनमा कपडाको जारा चेन बजार संचालनमा ल्याएर अर्बपति बनेका थिए । गतवर्ष भन्दा ४ अर्ब ३ करोड डलरले आफ्नो सम्पति वृद्धि गराई उनी धनाढ्यहरुको सूचिमा चौथो स्थानमा रहेका छन् ।
मार्क जुकरबर्ग: फेसबुकको सस्थापक मार्क जुकरबर्ग हाल पहिलो पटक धनाढ्यहरुको सूचिमा पाँचौ स्थानमा पर्न सफल भएका छन् । १२ महिनामा उनको सम्पत्ति ११ अर्ब ४ करोड अमेरिकी डलरले बढेको छ ।
कार्लोस सिल्म हेलुः त्यस्तैगरि कुनै जवानाका सर्वोच्च धनी म्याक्सिकोका कार्लोस सिल्म हेलु धनीहरु मध्ये छैठौँ नम्बरमा परेका छन् । उनी एक दर्जन वर्ष पछि पहिलो पटक धनाढ्यहरुको सूचिमा पाँचौ स्थान बाहिर पुगेका हुन् ।
विश्वका अर्बपतिहरुको सूचिमा १ सय ९५ नयाँ धनीहरु उदाएका छन् । त्यसमध्यै चीनबाट ७६ जना र अमेरिकाबाट २५ जना नवधनाढ्यहरु सूचिमा पर्न सफल भएका छन् ।
२६ वर्षीय जोन कोल्युसन् विश्वको कान्छो अर्वपति बन्न पुगेका छन् । इभेन स्पीगील भन्दा २ महिनाले कान्छा रहेका उनी कडा मेहनत र परिश्रमले कान्छो अर्बपतिको सूचिमा दर्ज हुन सफल भएका हुन् ।
फोब्र्स म्यागाजिनका अनुसार ४० वर्ष भन्दा कम उमेरका अर्बपतिहरुको संख्या ५६ जना रहेको छ । फोब्र्स म्यागाजिनको सहयोगमा
प्रकाशित मितिः २०७४ जेठ १४
वि.सं.२०७४ जेठ १४ आइतवार १६:२८ मा प्रकाशित
