काठमाडौं । यती डेभलपमेण्ट बैंकले आफ्नो सेयरधनीलाई २ बराबर १ अर्थात ५० प्रतिशत हकप्रद सेयर दिने भएको छ । बैंकको बुधवार बसेको सञ्चालक समिति बैठकले उक्त अनुपातमा हकप्रद सेयर निष्काशन गर्ने निर्णय गरेको हो ।
बैंकले चुक्ता पुँजी वृद्धि गर्न हकप्रद सेयर दिन लागेको हो । नेपाल राष्ट्र बैंकले मौद्रिक नीतिमार्फत विकास बैंकलाई चुक्ता पुँजी दुई अर्व ५० करोड रुपैयाँको निर्देशन दिएको थियो । बैंकले दुई बराबर एक कित्ताको अनुपातमा सेयर दिने भएपछि बैंकको चुक्तापूँजी २ अर्व ७ करोड रुपैयाँ पुग्नेछ ।
हाल बैंकले १० अर्ब रुपैयाँ निक्षेप परिचालन गरेको छ भने ८ अर्ब ७५ करोड रुपैयाँ कर्जा लगानी गरेको छ ।
प्रकाशितः २०७३ असार २३
वि.सं.२०७३ असार २३ बिहीवार ११:२६ मा प्रकाशित
