निर्माण व्यवसायीको सरकारसँग माग, ‘भूकम्प र नाकाबन्दीका कारण काम गर्न पाइएन, क्षपिपूर्ति पाउँ’

nirmanकाठमाडौं । नेपाल निर्माण व्यवसायी महासंघले भूकम्प र नाकाबन्दीका कारण व्यवसायमा भएको क्षतिको क्षतिपूर्ति माग गरेको छ । भूकम्प र भारतीय नाकाबन्दीका कारण व्यवसायीले ठुलो क्षति भोगेको भन्दै महासंघले सरकारसँग क्षतिपूर्ति माग गरेको हो ।

महासंघले मधेश आन्दोलन, नाकाबन्दी र भूकम्पका कारण निर्माण क्षेत्रमा १५ अर्ब रुपैयाँ भन्दा धेरैको नोक्सान भएको भन्दै क्षतिपूर्ति माग गरेको हो । विभिन्न समस्याका कारण निर्माणका आयोजनाका काम बन्द भएको भन्दै महासंघले तीन आयोजनामा लाग्ने लागत इष्टिमेटसमेत बढ्ने भएकाले इष्टिमेट बराबरको मूल्यवृद्धि रकम उपलब्ध गराउन माग गरेको हो ।

महासंघले विभिन्न आयोजना निर्माणका लागि व्यवसायीले बैंकबाट कर्जा लिएको भन्दै काम गर्न नपाएको अवधिको ब्याज मिनाहा र किस्ता रकम बुझाउने समयावधि थप्न पनि आग्रह गरेको छ ।

गत वर्ष निर्वाचित भएको महासंघको कार्यसमितिको एक वर्षे समीक्षा गर्दै अध्यक्ष शरदकुमार गौचनले समस्या समाधानका लागि गम्भीर हुन आग्रह गरे । ‘महासंघले संस्थापक अध्यक्ष स्व वनवारीलाल मित्तलको पहिले राष्ट्र, पछि नीति भन्ने सिद्धान्तलाई अवलम्बन गरेको छ,’ उनले भने, ‘विगतमा तयार पारेका विभिन्न योजनाहरु इन्धन अभावले ठप्प भइरहेको छ ।’

२०७२ पौष २ गते ०७:४० मा प्रकाशित

You can share this post!

“आईएमई वचत दश लाख” योजनाका विजेताद्धारा पुरस्कार ग्रहण

नाकाबन्दीले दोहोरो अंकको मूल्यवृद्धि

Related posts