राष्ट्रिय अनुसन्धान विभागमा ७५ जनाका लागि जागिर खुल्यो

काठमाण्डौं । नेपाल सरकारको गुप्तचर संस्था राष्ट्रिय अनुसन्धान विभागमा अनुसन्धान अधिकृत र अनुसन्धान सहायकको रिक्त रहेको ७५ पदमा जागिर खुलेको छ ।

आज सूचना प्रकाशित गर्दै राष्ट्रिय अनुसन्धान विभागले अनुसन्धान अधिकृत तहमा २७ जना र अनुसन्धान सहायकतर्फ ४८ जनाका लागि आवेदन माग गरेको हो ।

अनुसन्धान अधिकृतमध्ये खुल्लातर्फ १५ जना, आदिवासी जनजाति ३, मधेशी ४, महिला २, दलित २ र पिछडिएको क्षेत्रका लागि एउटा आरक्षण कोटा छुट्याएको छ । यसैगरी, अनुसन्धान सहायकतर्फ खुल्लामा २६, आदिवासी जनजाति ७, मधेशी ६, महिला ४, दलित ३ र पिछडिएको क्षेत्रका लागि २ पद खुला गरिएको छ ।

३० दिनभित्र दरखास्त दिन सकिने अधिकृत पदका लागि स्नातक तहको शिक्षा पूरा गरेको, पुरुषको हकमा २१ बर्ष पूरा भई २५ बर्ष ननाघेको तथा महिलाको हकमा २१ बर्ष पूरा भएको ३० बर्ष ननाघेको हुनुपर्ने उल्लेख छ । यसैगरी, सहायकका लागि प्रमाणपत्र तह उत्तीर्ण गरेको, २१ बर्ष पूरा भई २५ बर्ष ननाघेको पुरुषले तथा २१ बर्ष पूरा भई ३० बर्ष ननाघेका महिलाले आवेदन दिन सक्नेछन् ।

माघ १८, २०७२/ ३.१५

२०७२ माघ १८ गते १६:१९ मा प्रकाशित

You can share this post!

मलेसियाले बढायो लेभी शुल्क

ग्याँस हैन मट्टीतेल बाँड्दैछ सरकारले

Related posts