काठमाडौ । युगवाणी बचत तथा ऋण सहकारी संस्था लिमिटेड र लायन्स क्लब अफ थानकोटद्वारा संयुक्तरुपमा आयोजित निशुल्क स्वास्थ्य शिबिर सम्पन्न भएको छ । बरिष्ठ चिकित्सकहरुको टोलिद्धारा प्रभात माध्यमिक बिद्यालय थानकोट, चेकपोष्टमा संचालित थाईराइड र बाथरोगसम्बन्धी स्वास्थ्य शिबिरमा २ सय १५ जनाले स्वास्थ्य परिक्षण गराए । सहकारीको सातौं वार्षिकोत्सवको अवसर पारी स्वास्थ्य शिबिर संचालनमा ल्याईएको हो ।
सहकारीका शेयर सदस्य र स्थानीयलाई आफ्नो स्वास्थ्यप्रति सधै सजग रहनुपर्छ भन्ने सन्देश सहित लाईन्स क्लबसँगको सहकार्यमा स्वास्थ्य शिबिर संचालनमा ल्याएको सहकारीका अध्यक्ष मोहनप्रसाद बलामीले बताए । उनले भने, ʽसंस्थाको सामाजिक उत्रदायित्व अन्तर्गत पनि सहकारीले शिबिर संचालन गरेको हो । आगामी दिनमा विशेषज्ञ डाक्टरहरु उपलब्ध गराई संस्था भित्रैबाट शेयर सदस्यहरुको निशुल्क चेकजाँचको व्यवस्था गर्नेछौं ।ʼ
सेवा नै धर्म हो भनेर सहकारीले सदस्यहरुका लागि निशुल्क स्थास्थ्य शिबिर संचालनमा ल्याएको पनि उनले बताए ।
सहकारीले निशुल्क स्वास्थ्य परिक्षण गराएका बिरामीहरुलाई असार १८ औषधि वितरण गर्ने जनाएको छ ।
वि.सं.२०७३ असार ११ शनिवार १५:३७ मा प्रकाशित
