काँचो सुनचाँदी ल्याउन पाउनुपर्ने भन्दै प्रधानमन्त्रीलाई खुल्ला पत्र !

काठमाण्डौं । प्रवासी नेपालीहरुले विदेशबाट नेपाल आउँदा काँचो सुन र चाँदी ल्याउन पाउनुपर्ने भन्दै प्रधानमन्त्रीलाई प्रतिबन्ध निर्णय फिर्ता लिन प्रधानमन्त्रीलाई खुल्ला पत्र लेखेका छन् । नेपाल सरकारको भन्सार विभागले साउन १ गतेदेखि विदेशबाट काँचो सुन चाँदी ल्याउन प्रतिबन्ध लगाउने निर्णय गरेको थियो ।

सुन चाँदीका तयारी गहनामात्रै नेपाल ल्याउन दिने नीति प्रवासीहरुलाई पीडा दिने र तस्करहरुलाई फाइदा हुने खालको भएको बताउँदै उनीहरुले प्रवासी नेपालीहरुको संस्था नेपाली साझा मञ्चमार्फत प्रधानमन्त्रीलाई खुला पत्र लेख्दै भन्सार विभागको निर्णय खारेज गर्न माग गरेका हुन् ।

भन्सार विभागको नयाँ नीति खारेज गरेर साविककै नीति कार्यान्वयन गराउन र तस्करमुखी नीति ल्याउनेहरुलाई कारवाही गर्न पनि प्रधानमन्त्रीसँग माग गरेका छन् ।

सो खुल्लापत्र ‘प्रधानमन्त्रीसँग सिधा कुरा’ टेलिभिजन कार्यक्रममा र ‘हेलो सरकार’को फेसबुक पेजमा प्रेसित गरिएको छ ।

१७ असार २०७३, १०।००

२०७३ असार १७ गते ११:४५ मा प्रकाशित

You can share this post!

वर्षे विकासः सडक पिच र ढल मर्मतमा एक खर्ब सकाउँदै सरकार !

मेरो माइक्रोफाइनान्सले फेरि ल्यायो २० लाख कित्ता सेयर, सोमबारदेखि कारोबार हुने !

Related posts