काठमाण्डौं । आज सोमबार सेयरबजार परिसूचक नेप्से झण्डै चालीस अंकले बढेर हालसम्मकै सर्वाधिक उचाईमा पुगेको छ भने बजारमा २ अर्ब २४ करोड रुपैयाँ बराबरको सेयर किनबेच भएको छ । बजारमा एकैदिन यति धेरै रकमको सेयर किनबेच भएको आज पहिलो हो ।
अधिकांश कम्पनीको सेयरमूल्य बढेको बजारमा विकास बैंक र फाइनान्स कम्पनीका लगानीकर्ताले धेरै कमाएका छन् । बैंक तथा वित्तीय समूहको सूचकहरु बढेपछि नेप्से ३९.६६ अंकले बढेर १८३८.४९ विन्दुमा पुगेको छ । यो हाल सम्मकै उच्च विन्दु हो । आज सेयर बजारमा १४७ कम्पनीको सेयरको कारोबार भएको थियो ।
१० साउन २०७३, ३।३०
वि.सं.२०७३ साउन १० सोमवार १६:०९ मा प्रकाशित
