काठमाण्डौं । एनआईसी एशिया बैंकले आफ्ना सेयरधनीलाई २७ प्रतिशत लाभांश वितरण गर्ने प्रस्ताव गरेको छ । बैंकको आज शुक्रबार बसेको संचालक समितिको बैठकले २६ प्रतिशत बोनश शेयर तथा कर प्रयोजनका लागि १.३७ प्रतिशत नगद लाभांश वितरण गर्ने प्रस्ताव गरेको हो ।
साथै बैंकले २६ प्रतिशत बोनश वितरण गरे लगत्तै १५ प्रतिशत हकप्रद जारी गर्ने प्रस्ताव समेत गरेको छ । बैंकले गतबर्षको मुनाफाबाट उक्त लाभांश प्रस्ताव गरेको हो । बैंकले गत आर्थिक बर्षमा खुद नाफा ५७ प्रतिशतले बढाएर १ अर्ब ७ करोड रुपैयाँ कमाएको थियो । अघिल्लो बर्ष ३९ प्रतिशत बोनस सेयर र २५ प्रतिशत हकप्रद जारी गरेर चुक्ता पूँजी ४ अर्ब ५७ करोड ५३ लाख रुपैयाँ पुर्याएको थियो । बैंकले प्रस्ताव गरेको लाभांश राष्ट« बैंकको स्वीकृति पश्चात कम्पनीको साधारणसभाले पारित गरेपछि प्रस्तावित लाभांश सेयरधनीलाई वितरण गरिनेछ ।
वोनस वितरणपछिको पूँजीमा बैंकले १५ प्रतिशत हकप्रद सेयर दिने छ । हकप्रदपछि पुँजी ६ अर्ब ६३ करोड रुपैयाँ पुग्नेछ ।
१० भदौ २०७३, १।००
वि.सं.२०७३ भदौ १० शुक्रवार १४:२५ मा प्रकाशित
