काठमाडौ भदौ २७ । उदियमान कलाकर हुन् मोरङ जिल्ला बयरबयन–३ हरकपुरका २७ वर्षिय सन्दिप सेन्चुरी । हाल कलाकारीतामा रमाउदै अस्थाइ बसोबास काठमाडौको कपनमा बस्दछन् । २०४५ सालको फागुन २९ गते पिता नग्रेन्द्र र माता तारा सेन्चुरीको कोखबाट जन्मिएका उनलाई बोनम्यारो क्यान्सर भएको छ । यो रोगको कारणले उनको बोनम्यारो प्रत्यारोपण गर्नु पर्ने अबस्था आएको छ । आफ्नो जीन्दगी र करियरलाई अघि बढाउने साथै सुखमय जीवन यापनको सपनालाई त्यतीबेला कता कता रोकीएझै लाग्छ, सन्दीपलाई । केही समय अघिदेखि कुनै सुन पसलमा कालीगड काम गर्दै नेपाली म्युजिक भिडियो खेल्दै आफ्नो जीवनको सुरुवात गरेका उनलाई जिन्दगीमा ठुलो बज्रपात पर्यो ।
आधा दशक अगाडीबाट सुरु भएको उनको अभिनय यात्रालाई पून अगाडी बढाउन उनी तपाई हामी सबैको साथ खोजिरहेका छन् ।
दिल्ली स्थित बि एल के अस्पतालले गत बैशाखमा उनलाई बोनम्यारोको क्यान्सर भएको पत्ता लगाएको थियो ।
डाक्टरको सल्लाह अनुसार बोनम्यारो प्रत्यारोपण तत्काल गर्नुपर्ने जानकारी दिएका छन् । तर त्यसको लागि लाग्ने करीब ३० लाख भन्दा धेरै रकम जुटाउने सामथ्र्य उनीसंग छैन् ।
सन्दीपले गायकहरु स्वरुपराज आचार्य, दिपक लिम्बु, प्रमोद खरेल, शिव परियार, दिपेन्द्र रसायली, दिनेश मल्लिकको स्वर रहेको गीतमा अभिनय गरेका छन् ।
उनले अभिनय गरेको म्युजिक भिडियोहरु “मैले के गल्ति गरे प्रिये” दिपक लिम्बु, “कमलो मुटु छेडेर गयौ” स्वरुपराज आचार्यको स्वर रहेको भिडीयो युटुब मा हेर्न सकिन्छ ।
सन्दिपले भारतको दिल्लीमा उपचारका क्रममा एक विघा जमिन बेचर करिब १५ लाख खर्च गरि उपचारको लागि भारत गएका थिए ।
उनको उपचारको लागि सहयोगार्थ कार्यक्रमहरु भइरहेका छन । सोही क्रममा अहिलेसम्म करिब ५ लाख भन्दा धेरै रकम संकलन भएको छ । तर त्यतीले मात्र उनको उपचारमा संम्भव छैन् ।
करिब ४ महिना देखि विरामी सन्दिप अहिले बोनम्यारो प्रत्यारोपणको समय कुर्दै बसेका छन । उनले भने ‘बाच्न पाए भने कलाकारीतामा नै लागेर मुलुकको सेव गर्ने थिए’ । उनलाई सहयोग गर्न इच्छुकले ग्लोबल आई एम ई बैंक सुकेधाराको खाता नम्बर९१०७०१००००९३२ मा रकम जम्मा गर्न सक्नु हुने छ ।
साथै उनको मोवाइल नम्बर ९८०२६५६०२१ मा सम्पर्क गरी अन्य कुराको जानकारी लिन सक्नु हुनेछ ।
वि.सं.२०७३ भदौ २८ मंगलवार ०८:२३ मा प्रकाशित