काठमाण्डौं । साक्षात भगवानलाई नै जेलमा कसले पो हाल्न सक्ला र रु भन्ने ठान्नुभएको छ भने जरुर यो पढ्नुहोस् । भारतको बिहारस्थित मधुबनी जिल्लामा भगवान हनुमानलाई जेल हालिएको छ ।
मधुवनीको नवटोली गाउँमा भगवान हनुमानलाई पुलिसले आफुसँगै लगेर कैद गरेको छ । मामिला जमिनसम्बन्धी विवादको थियो तर यसको सजाय हनुमानले भोग्नुपर्यो ।
नवटोली गाउँमा एक समाधीस्थलको जमिनको विषयलाई लिएर विवाद उत्पन्न भयो । दुई जातिका मानिसहरुबीच जमिन कब्जा गर्ने विषयमा विवाद हुँदा एक समुदायका मानिसहरुले रातारात त्यो विवादित जग्गामा मन्दिरको निर्माण गरी हनुमानको मूर्ति स्थापना गरे ।
जब अर्को समुदायका मानिसहरुले बिहान एकाएक विवादित जग्गामा मन्दिर र हनुमानको मूर्ति देखे उनीहरु असन्तुष्ट बने र पुलिसमा उजुरी गरे । प्रहरी घटनास्थलमा पुगेर मन्दिरमा राखिएको हनुमानको मूर्ति उखेलेर लग्यो ।
हनुमानको मूर्तिलाई प्रहरीले मधुवननगर पुलिसचौकीमै राखेको छ । विचरा दुई जातिको आपसी लडाइँमा भगवान हनुमान पुलिसको हातबाट पक्राउ परेर पुलिस चौकीमा थुनिनु परेको छ ।
प्रकाशितः २०७३ असोज ७
वि.सं.२०७३ असोज ७ शुक्रवार १२:२५ मा प्रकाशित
