काठमाण्डौं । कृषि बिकास बैंकले जारी गर्न लागेको ५० प्रतिशत हकप्रद सुरक्षित गर्न सेयर किन्ने आज अन्तिम दिन रहेकोछ । बैंकले हाल कायम दुई सेयर बराबर नयाँ एक सेयर हकप्रद वापत बिक्री गर्न भोलि सोमबार सेयरधनी दर्ता किताब बन्द हुने सूचना जारी गरेको छ ।
बैंकले अघिल्लो आर्थिक वर्षमा १५ प्रतिशत बोनस बितरण गरी ३ अर्ब ४२ करोड ४० लाख रुपैयाँ चक्तापूँजीलाई ३ अर्ब ९३ करोड ७६ लाख रुपैयाँ पुर्याएर त्यसको ५० प्रतिशत हकप्रद निष्काशन गर्न लागेको हो । ५० प्रतिशत हकप्रद जारी गरेपछि बैंकको चुक्ता पूँजी ५ अर्ब ९० करोड ६४ लाख रुपैयाँ पुग्नेछ ।
गत आर्थिक बर्षमा बैंकले दुई अर्ब ५७ करोड खुद नाफा गरी प्रति सेयर आम्दानी ५५ रुपैयाँ ६४ पैसा कायम भएको देखाएको छ । प्रति सेयर आम्दानी ५५ रुपैयाँ भन्दा माथि कायम गरेर बाणिज्य बैंकहरुमा सबैभन्दा बढी प्रति सेयर आम्दानी गर्ने मध्येमा तेस्रो भएको छ ।
९ असोज २०७३, ११।००
वि.सं.२०७३ असोज ९ आइतवार १२:०२ मा प्रकाशित
