अब दुर्इ नयाँ रुटमा पनि चल्ने भो साझा, यी रुटका माइक्रो टेम्पो हट्ने !

काठमाण्डौं । साझा यातायातले थानकोटदेखि सूर्यविनायक र बुढानिलकण्ठदेखि गोदावरीसम्मको दुर्इ नयाँ रुटमा सेवा दिने भएको छ। साझाले ल्याएको ३० नयाँ बसको यो मात्रै नयाँ रुट हुनेछ भने बाँकी संचालनमा रहेका रुटमा बस थपिनेछन्।

थपिएका नयाँ बस काठमाडौं महानगरपालिका र साझा यातायातको सहकार्यमा संचालनमा आउन लागेको हो। थानकोटदेखि सुर्यविनायक र बुढानिलकण्ठदेखि गोदावरीसम्म दुईवटा रुटमा नयाँ गाडीहरु सञ्चालन गर्न प्रस्ताव गरेको छ ।

भारतबाट केही साता अघि आइपुगेका यी गाडीको अहिले प्राविधिक टोलीहरुले परीक्षण गरिरहेका छन् । गाडीको परीक्षण, मर्मत, बिमा, चालक/सहचालकलाई तालिम लगायतका सबै काम सकिएपछि मात्र रुट परमिटका लागि आवेदन दिने साझाले जनाएकोछ ।

हाल साझाले नयाँ बसपार्कदेखि त्रिभुवन विमानस्थलसम्म ४, नयाँ बसपार्कदेखि लगनखेल बसपार्कसम्म ६ र लगनखेल बसपार्कदेखि बुढानिलकण्ठसम्म ६ गरी १६ वटा बसहरु सञ्चालन गरिरहेको छ।

१२ असोज २०७३, ११।००

२०७३ असोज १२ गते १२:२० मा प्रकाशित

You can share this post!

छतमा यात्रु राख्न नपाएपछि अग्रिम टिकट बुकिङ बन्द, के होला अब ?

इन्स्योरेन्सको सेयर छ ? दिँदैछ ३० प्रतिशत वोनस सेयर !

Related posts