चन्द्रागिरी डाँडामा हिउँ पर्यो, काठमाण्डौंमा वर्षकै सबैभन्दा बढी चिसो

काठमाण्डौं। काठमाण्डौँको चन्द्रागिरी डाँडामा हिउँ परेको छ। चन्द्रागिरी डाँडा, भालेश्वर मन्दिर, केबल कारको टप स्टेसन लगायतका स्थानमा आइतबार दिउँसो हिउँ परिरहेको चन्द्रागिरी केबलकारका सञ्चालक अम्बिका पौडेलले जानकारी दिए ।

भारतको जम्मु काश्मिर हुँदै नेपाल प्रवेश गरेको पश्चिमी वायुको प्रभावले देशभर चिसो बढेको छ। शनिबार भारत हुँदै सुदूर पश्चिमबाट नेपाल छिरेको पश्चिमी वायुको प्रभावले हिमाली भेगमा हिमपात भएको छ भने पहाडी क्षेत्रमा वर्षा र तराईमा  बाक्लो कुहिरो लागेको मौसम पूर्वानुमान महाशाखाले जनाएको छ।

चन्द्रागिरी समुद्री सतहबाट २५५१ मिटर उचाइमा पर्छ। इस्वी संवतको नयाँ वर्षको दिन केबल कार चढेर चन्द्रागिरी पुगेकाहरुले हिउँ पर्दै गरेको फोटो फेसबुकमा राखेका छन्।

भारतको जम्मुकाश्मिरबाट आएको हावाले नेपालमा चिसो बढाएको मौसम पूर्वानुमान विभागले जानकारी दिएको छ । शनिबारबाट देशभर चिसो बढेको छ । मौसममा सुधार हुन अझै दुई दिन लाग्ने विभागले जनाएको छ ।

राजधानीको न्युतम तापक्रम ५ डिग्रीबाट घटेर ४ दशमलव ५ र अधितम २० डिग्रीबाट घटेर १९ दशमलब ५ पुगेको छ ।

१७ पुस २०७३, १।३०

२०७३ पौष १७ गते १४:१५ मा प्रकाशित

You can share this post!

कतै तपाईले १४ प्रतिशत बोनस सेयर र ५० प्रतिशत हकप्रद सेयर छुटाउनु त भएन ?

अब ठूलो भ¥याङमै लाईसेन्स !

Related posts