काठमाडौ । खिचापोखरी न्युरोड व्यापार संघको ‘नवौँ वार्षिक साधारण सभा’ ले नयाँ नेतृत्व चयन गरेको छ । साधारण सभाले मनोजवाबु श्रेष्ठको अध्यक्षतामा १७ सदस्यीयनयाँ कार्य समिति चयन गरेको हो । वरिष्ठ उपाध्यक्षमा गोपाल महर्जन,प्रथम उपाध्यक्षमा नरेन्द्र श्रेष्ठ, द्धितीय उपाध्यक्षमा गणेशकुमार न्यौपाने , महासचिवमा भरतप्रसाद बडाल, सचिवमा कृष्णप्रसाद ढुङ्गाना र कोषध्यक्षमा खिलाबहादुर रोक्का चयन भएका छन् । संघले थप छ जना सदस्य मनोनयन गरी दुई वर्षका लागि २३ सदस्यीय कार्यसमिति चयन गर्नेछ ।
साधारण सभाको उद्घाटन गर्दै नेपाल चेम्बर अफकमर्शका अध्यक्ष डा राजेशकाजी श्रेष्ठले निजी क्षेत्रलाई अगाडि बढाउन नसके मुलुक अगाडि बढ्न नसक्ने बताए । श्रेण्ठले भने, ‘निजी क्षेत्रबाट तिरेको करले मुलुक चलेको छ । त्यसैले मुलुकले निजी क्षेत्रलाई बेवास्ता गर्न मिल्दैन ।’अध्यक्ष श्रेष्ठले व्यापारीप्रति सरकारको विश्वास नहुँदा व्यापार क्षेत्रमा समस्या हुने गरेको गुनासो समेत गरे ।
आन्तरिक राजस्व विभागका उपमहानिर्देशक धनिराम शर्माले कर नीतिको माध्यामबाट लगानी सुरक्षित गर्न व्यापारीलाई आग्रह गरे । समयसापेक्ष रुपमा प्रविधिअनुसार कर प्रणाली चुस्त बनाइदै लगेको भन्दै उनले त्यसमा अभ्यस्त हुन पनि व्यापारी तथा सर्वसाधारणलाई आग्रह गरे । प्रकृया अलि लामो हुने भएकाले करदाताले झमेलाका रुपमा कर तिर्न अल्छि गर्दा समस्या देखिने गरेको भन्दै यो परिपाटीबाट बाहिर निस्किन सबैलाई आह्वान गरे ।
संघका अध्यक्ष मनोजबाबु श्रेष्ठ, निवर्तमान अध्यक्ष राजेन्द्र शेरचन, लगायतले न्युरोड तथा खिचापोखरी क्षेत्रमा पार्किङको चरम समस्या रहेको भन्दै पार्किङ क्षेत्र बिस्तार गरिदिन सरकार तथा महानगरपालिका सँग आग्रह गरेका छन् । यसका लागि त्यस क्षेत्रका सबै व्यापारीहरुले सक्दो सहयोग गर्ने उनीहरुको भनाई छ ।
कार्यक्रममा व्यापार व्यवसायको क्षेत्रमा महत्वपूर्ण योगदान पु¥याएका तीन जना व्यवसायीलाई सम्मान गरिएको थियो ।
प्रकाशित मितिः २०७३ माघ १
वि.सं.२०७३ माघ १ शनिवार ०९:३६ मा प्रकाशित
