सिन्धुपाल्चोक । जुरे पहिरो, भूकम्प, नाकाबन्दी र बाढीले क्षति पु¥याई करिब तीन वर्षदेखि बन्द रहेको सिन्धुपाल्चोकको तातोपानी गाविसस्थित ३.१ मेगावाट क्षमताको भैरवकुण्ड जलविद्युत् आयोजनाबाट व्यापारिक उत्पादन सुरु भएको छ । आयोजनाले बिहीबारदेखि व्यापारिक उत्पादन सुरु गरेको आयोजनाका प्रमुख कार्यकारी अधिकृत दिनेश पौडेलले जानकारी दिएका छन् ।
रु १० करोडको लागतमा मर्मत गरिएको उक्त आयोजनाले गत पुस २९ गतेदेखि परीक्षण उत्पादन थालेको थियो । हाल एक मेगावाट विद्युत् मात्र उत्पादन भएको र त्यहाँ उत्पादित विद्युत् लामोसाँघु सव–स्टेसनमार्फत राष्ट्रिय प्रशारण लाइनमा जोडिएको छ ।
प्रकाशित मितिः २०७३ माघ १५
वि.सं.२०७३ माघ १५ शनिवार ०८:५७ मा प्रकाशित