काठमाण्डौं । नेपाल इन्भेष्टमेन्ट बैंकको सहायक कम्पनी एनआईबिएल क्यापिटल लिमिटेडले ल्याएको सामुहिक लगानी कोष एनआइबिएल प्रगति फण्डको ७ करोड ५० लाख इकाई नेपाल स्टक एक्सचेञ्जमा सुचिकृत भएको छ ।
एनआइबिएल प्रगति फण्डको ७५ करोड रुपैँया बराबरको ७ करोड ५० लाख इकाई सेयर नेप्सेमा आईतबार सूचिकृत भएको हो । इकाईका सेयरधनीले अबको एक हप्तापछि यो संख्याको सेयर कारोबार गर्न सक्नेछन् ।
गत मंसिर १६ गतेदेखि २० गतेसम्म क्यापिटलले १० रुपैँया दरको ६० करोड रुपैँया बराबरको छ करोड इकाईको एनआइबिएल प्रगति फण्ड सार्वजनिक गरेको थियो । तर फण्डको आकार भन्दा माग बढि भएपछि फण्डको आकार २५ प्रतिशतले बढाएर ७५ करोड पुर्याएको थियो ।
७ चैत २०७३, ११।००
वि.सं.२०७३ चैत ७ सोमवार ११:०७ मा प्रकाशित