काठमाण्डौं । सेवा विकास बैंकले यसअघि निष्काशन गरेको १२० प्रतिशत हकप्रदमा बिक्री नभएको संस्थापक सेयर लिलामी खोल्दा पनि भारी मात्रामा नबिकेपछि फेरी लिलामी हुने भएको छ । बैंकले यसअघि निकालेको संस्थापक समूहको सेयर लिलामीमा सात लाख ५२ हजार एक सय ५१ कित्ता बिक्री नभएपछि उक्त सेयर चैत २४ गतेदेखि ३० गतेसम्म शिलबन्दी बोलपत्र मार्फत उक्त सेयर फेरी बेच्न लागेको हो ।
सेवाले लिलामीमा राखेको संस्थापक हकप्रद सेयरमा बोलपत्र पेश गर्न ईच्छुकले लगानीकर्ताले बैंकको बिक्री प्रबन्धक एनएमबि क्यापिटल नागपोखरी नक्साल र सेवा विकास बैंकको केन्द्रिय कार्यालय बुटवलबाट शिलबन्दी बोलपत्र पेश गर्न सक्नेछन् ।
आवेदन गर्दा लागि न्यूनतम एक सय रुपैँया बढि अंकित मूल्य राखेर न्यूनतम एक हजार कित्ता वा दश कित्ताको गुणांकमा शिलबन्दी बोलपत्र पेश गर्नुपर्ने हुन्छ । बोलपत्र क्यापिटलले चैत ३१ गते दिउँसो ४ बजेबाट बोलकबोल क्यापिटलको कार्यालयमा खोल्नेछ । बोलकबोल मार्फत सेयर प्राप्त गर्न नसक्ने लगानीकर्तालाई बैशाख ५ गतेबाट रकम फिर्ता गर्ने जनाएको छ ।
१० चैत २०७३, १०।००
वि.सं.२०७३ चैत १० बिहीवार १२:१० मा प्रकाशित
