लगानीकर्तालाई हाइड्रोमा लगानीको अवसर, अब विद्युत प्राधिकरणले सर्वसाधारणलाई सेयर विक्री गर्ने

काठमाडौ । नेपाल विद्युत् प्राधिकरणले सर्वसाधारणका लागि सेयर जारी गर्ने भएको छ । नेपाल विद्युत् प्राधिकरणको दोस्रो आर्थिक पुर्नसंरचनासम्बन्धी अर्थ मन्त्रालयमा पेश गरिएको २० बुँदे प्रस्तावमा सर्वसाधारणलाई सेयर दिने उल्लेख गरिएको छ ।

सेयर जारी गर्दा संस्थालाई सहज ढंगले सञ्चालन गर्न सकिने भन्दै विद्युत् प्राधिकरणले सर्वसाधारणलाई सेयर जारी गर्न लागेको जनाएको छ । विद्युत् प्राधिकरणको ऐन २०४१ को दफा ५ को व्यवस्था कार्यान्वयन नभएकोले यसका लागि सेयर संरचना परिवर्तन गर्न पनि प्राधिकरणले प्रस्ताव गरेको छ । प्रस्तावमा सर्वसाधारणलाई कति सेयर दिन सकिने स्पष्ट उल्लेख गरिएको छैन ।

अर्थमन्त्रालयले उक्त प्रस्ताव अघि बढाएको जनाएको छ । ऊर्जा र प्राधिकरणका अधिकारीहरूसँग पटकपटक छलफल गरेपछि अर्थले पुनर्संरचनाबारे प्रक्रिया अघि बढाउन अर्थ मन्त्रालय संस्थान समन्वय महाशाखा प्रमुखको संयोजकत्वमा समिति नै गठन गरेको छ । उक्त समितिमा अर्थको बजेट महाशाखा र निजीकरण एकाइ महाशाखा, ऊर्जा मन्त्रालय, नेपाल चार्टर्ड एकाउन्टेन्न संस्था, महालेखा नियन्त्रक र विद्युत् प्राधिकरणका प्रतिनिधि सदस्य छन् । समितिले प्राधिकरणले गरेको पुनर्संरचनाको प्रस्तावबारे अध्ययन गर्नेछ ।

प्रकाशित मितिः २०७३ चैत ३०

२०७३ चैत्र ३० गते १३:२७ मा प्रकाशित

You can share this post!

सुनको मूल्य सात सयले बढ्यो

प्रतिबन्धित भारु साढे चार हजारका दरले साटिने

Related posts