काठमाडौ । राष्ट्रपतिबाट वित्तीय संस्था सम्बन्धि विधेयक (बाफिया) प्रमाणीकरण भएपछि इच्छाराज तामाङले सिभिल बैंकको सञ्चालक समिति छाडेका छन् । बाफियाले बैंक तथा वित्तीय संस्थाका करिव तीन दर्जन सञ्चालकहरु अयोग्य बनाएको छ ।
बाफियाले संसदहरु बैंकको सञ्चालक रहन नपाउने ब्यवस्था गरेपछि तामाङले सिभिल बैंकको सञ्चालबाट राजिनामा दिएका हुन् । तामाङले छाडेपछि सञ्चालक समितिमा अम्बिर बोगटी अध्यक्षमा नियुक्त भएका छन् ।
उनलाई बैंकमा विशेष कार्यक्रम गरेर स्वागत गरिएको छ भने तामाङलाई विदाइ पनि गरिएको छ । बैंकले तामाङले बैंकलाई सशक्त बनाउन तामाङले अहिलेसम्म अध्यक्षका रुपमा खेलेको भूमिकाको प्रशंसा गरेको छ ।
त्यस्तै बैंकले सिर्जना शाक्य तामाङलाई कम्पनीको निर्देशकमा ल्याएको छ ।
प्रकाशित मितिः २०७४ बैशाख १७
वि.सं.२०७४ वैशाख १७ आइतवार ११:०५ मा प्रकाशित