प्रधानन्यायाधीश कार्कीविरुद्ध महाअभियोगमा सांसदको हस्ताक्षर कीर्ते !

काठमाडौ। प्रधानन्यायाधीश सुशीला कार्कीविरुद्ध संसदमा दर्ता भएको महाअभियोग प्रस्तावमा प्रयोग भएको सांसदहरुको हस्ताक्षर ‘कीर्ते’ भएको पाइएको छ । प्रधानन्यायाधीश कार्कीविरुद्ध आइतबार सत्तारुढ माओवादी केन्द्र र कांग्रेसका २५९ सांसदको हस्ताक्षरसहित महाअभियोग प्रस्ताव दर्ता भएको छ । महाअभियोग प्रस्तावको प्रस्तावक कांग्रेस नेता मीन विश्वकर्मा छन् भने समर्थक माओवादी केन्द्रका प्रमुख सचेतक टेकबहादुर बस्नेत छन् ।

हस्ताक्षरकर्तालाई नै थाहा छैन

महाअभियोग प्रस्ताव दर्ताका लागि प्रयोग भएको केही हस्ताक्षर ‘र्कीर्ते’ भएको हस्ताक्षरकर्ताहरुले बताएका छन् । अधिवक्ता एवं कांग्रेस सांसद राधेश्याम अधिकारीले भने, ‘मैले महाअभियोग प्रस्तावमा हस्ताक्षर गरेको छैन ।’

तर, तपाईको नाम त १४७ औं नम्बर छ र हस्ताक्षर पनि छ त ? भन्ने प्रश्नमा अधिकारीले भने, ‘त्यो हो भने कीर्ते हो, त्यसो हो भने म रिफ्यूज गर्छु ।’ महाअभियोग पत्रमा माओवादी सांसद शम्भुलाल श्रेष्ठको पनि हस्ताक्षर छ । तर, उनले पनि महाअभियोगबारे अनविज्ञता प्रकट गरे ।

हामीले सांसद श्रेष्ठलाई सोध्यौं– ‘तर, महाअभियोगपत्रमा तपाईको नाम र हस्ताक्षर ६२ औं नम्बर छ त ? हाम्रो प्रश्नमा श्रेष्ठले भने, ‘हो र ! यो माओवादी भन्ने पार्टीले फेरि कीर्ते गरेछ, मैले कहिल्यै हस्ताक्षर गरेको छैन ।’

श्रेष्ठले अघि भने माओवादीले कीर्ते गर्ने चलन नै भएछ, विद्युतको ट्रान्सर्फमर दिने भनेर लोकमानकोमा सही धस्काए, आज पनि हस्ताक्षर दुरुपयोग गरेछन् ।’

महाअभियोगमा प्रधानमन्त्रीको पनि नाम !

महाअभियोग प्रस्तावमा प्रधानमन्त्री पुष्पकमल दाहाल प्रचण्डको पनि नाम छ तर, उनको हस्ताक्षर छैन ।कांग्रेस सभापति शेरबहादुर देउवा र कांग्रेस वरिष्ठ नेता रामचन्द्र पौडेलको भने हस्ताक्षर नै छ । यस्तै पूर्वअर्थमन्त्री एवं कांग्रेस डा. रामशरण महतको पनि हस्ताक्षर छ । महामन्त्री शंशाक कोइराला र नेता डा. शेखर कोइरालाको पनि हस्ताक्षर छ ।

यो लिंक खोलेर नाम लिष्ट हेर्नुहोस् , साँसदका हस्ताक्षर  

यो खबर हामीले अनलाईनखबरबाट लिएका हौं ।

प्रकाशित मितिः २०७४ बैशाख १८

२०७४ वैशाख १८ गते ०७:५३ मा प्रकाशित

You can share this post!

सर्वोच्चद्धारा सुडान काण्डमा तीन पूर्व आईजीपीलाई जेल सजाय

चुनावको मुखमा किन गरे गृहमन्त्रीले राजीनामा ? के मा निधीको आपति ?

Related posts