back
NMB ad

गाउँमा हाते चिया उद्योग खुल्दै

Kumari bank ad

इलाम । यहाँका गाउँमा साना चिया कृषकले आफैँले हाते चिया प्रशोधन उद्योग खोलेका छन् ।

हरियो चियापत्ती प्रशोधनको समस्या झेल्दै आएका किसानले ड्रायरमा सुकाएर हरियो चियापत्ती प्रशोधन गर्न थालेका हुन् । जिल्लाका ठूला चिया कारखानामा हरियो चियापत्ती प्रशोधनको समस्या भएपछि किसान आफैँले उद्योग खोल्ने क्रम बढेको हो ।

ड्रायर र फेन सहित गाउँमा पाइने सामग्रीको सहायाताले किसानले चिया प्रशोधन उद्योग सञ्चालनमा ल्याएको कन्यामका किसान काजीमान कागतेले बताए ।
विषादीको प्रयोगले चियाको अन्तर्राष्ट्रिय बजार सङ्कटमा परेका बेला किसानले अग्र्यानिक चिया उत्पादन गर्दै आएका छन् । घरमा चिया प्रशोधन उद्योग खोल्नका लागि ठूलो खर्च नलाग्ने साखेजुङका मोतिराम दाहालको भनाइ छ । “स्थानीय क्षेत्रमा पाइने सामग्रीको उपयोग गरी उद्योग स्थापना गरिएको छ”, उनले बताए “आफ्नो मात्र नभएर गाउँका अन्य किसानको समेत हरियो चियापत्ती प्रशोधन गर्न सकिन्छ ।” दाहालले पाथिभरा अग्र्यानिक हाते चिया प्रशोधन उद्योग खोल्नु भएको हो । हाते उद्योगबाट वार्षिक रु तीन लाख आम्दानी हुने उनको भनाइ छ ।

सो उद्योग खुलेपछि गाउँका किसानले पनि हरियोपत्तीको उचित मूल्य पाउँदै आएका छन् । चिया कारखानाले हरियो चियापत्ती प्रतिकिलो रु २३ मा खरिद गर्ने गरेकामा हाते चिया प्रशोधन उद्योगले प्रतिकिलो रु ३६ प्रदान गर्दै आएको छ । चियामा रसायनिक मल प्रयोगमा प्रतिबन्ध लगाएका किसानले साखेजुङ गाविसमा ५ वटा यस्ता उद्योग सञ्चालनमा आएका छन् ।

हाते चिया प्रशोधनका लागि घरेलु तथा साना उद्योग विकास समितिले किसानलाई तालिम प्रदान गरेपछि नयाँबजार, साखेजुङ, मङ्गलबारे, माइपोखरी, सुलुबुङ, कन्याम, जितपुरका किसानले तीन वर्ष अगाडिदेखि सो उद्योग सञ्चालन गर्दै आएको प्रमुख उद्योग अधिकृत नवीन पौडेल उल्लेख गरे ।

किसानले उत्पादन गर्दै आएको अज्र्ञानिक चियाको बजारीकरणका लागि औद्योगिक प्रदर्शनी गर्दै आएको उद्योग विकास समितिले जनाएको छ । अग्र्यानिक चिया नेपाल, भारत, क्यानडालगायत युरोपका देशमा निर्यात हुने गरेको छ ।

घरेलु तथा साना उद्योग विकास समितिमा २३ वटा हाते चिया प्रशोधन उद्योग दर्ता भएको उद्योग अधिकृत पौडेलले जानकारी दिए । रासस (फाइल फोटो)

प्रकाशित मितिः २०७४ असार

वि.सं.२०७४ असार १२ सोमवार १३:१६ मा प्रकाशित

You can share this post!

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

वि.सं.२०८० चैत १६ शुक्रवार २०:१५

काठमाडौं ।नेपाल लाइफ क्यापिटलले नेपाल लाइफ इन्स्योरेन्ससंगको समन्वयमा १८ मार्च...

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

वि.सं.२०८० चैत १६ शुक्रवार २०:०७

काठमाडौं । एनआईसी एशिया बैंकले वित्तीय साक्षरता अभिवृद्धि गर्ने उद्देश्यका...

राजस्व छलीका गाडी र मोटरसाइकलसहित तीनजना पक्राउ   

राजस्व छलीका गाडी र मोटरसाइकलसहित तीनजना पक्राउ   

वि.सं.२०८० चैत १६ शुक्रवार १९:५८

काठमाडौँ, १६ चैत : राजस्व छलीका गाडी र मोटरसाइकलसहित तीनजनालाई...

आगामी आर्थिक वर्षका लागि बजेट लेखन समिति गठन   

आगामी आर्थिक वर्षका लागि बजेट लेखन समिति गठन   

वि.सं.२०८० चैत १६ शुक्रवार १९:५१

काठमाडौँ, १६ चैत : अर्थ मन्त्रालयले आगामी आर्थिक वर्ष २०८१/८२...

टी–२० शृङ्खलाः नेपाल ‘ए’ टोली आयरल्याण्डको ‘ए’ टोलीसँग पराजित   

टी–२० शृङ्खलाः नेपाल ‘ए’ टोली आयरल्याण्डको ‘ए’ टोलीसँग पराजित   

वि.सं.२०८० चैत १६ शुक्रवार १९:४५

काठमाडौँ, १६ चैत : लोकेश बमले उत्कृष्ट ब्याटिङ गरेता पनि...

यस्ता छन् बिहीबारको मन्त्रिपरिषद् बैठकको निर्णय   

यस्ता छन् बिहीबारको मन्त्रिपरिषद् बैठकको निर्णय   

वि.सं.२०८० चैत १६ शुक्रवार १९:४१

काठमाडौँ, १६ चैत : सरकारले विकास आयोजनाका लागि राष्ट्रिय वनको...