सुशिल सुबेदी , स्याङजा । स्याङजाका नवनिर्वाचित जनप्रतिनिधी तथा सरकारी कार्यालयका प्रमुखहरुले किसानहरुसँग १४औँ धान दिवस मनाएका छन् । उनीहरुले वालीङ , पुतलीबजारका खेतहरुमा बाजागाजा सहित धानरोपेर असार १५ मनाएका हुन् ।
स्याङजा जिल्ला कृषि कार्यलयको जानकारी अनुसार असार १५ को दिनसम्म जिल्लाको १६ हजार ८ सय हेक्टर धान खेती हुने जमिन मध्ये २० प्रतीशत जमिनमा मात्र रोपाई सकिसकेको छ ।
७२ हजार ७ सय ३१ हेक्टर खेती योग्य जमिन मध्ये ५० हजार ३ सय ५० हेक्टर जमिनमा मात्र खेती हुँदै आएको छ ।
स्याङजाको प्रमुख शहर वालीङको नामाकरण वाली गीत गाउंदै रोपाई गर्ने भएकाले रहेको हो भन्ने किम्बदंती रहेको छ ।
बढ्दो जनसंख्या, अव्यवस्थित सहरीकरण जस्ता समस्याले गर्दा पहिलेको तुलनामा कृिष पेशा मर्यादित बन्न नसकेको जिल्ला कृषि कार्यलयका प्रमुख तेज प्रसाद दबाडीके भनाइ छ ।
प्रकाशित मितिः २०७४ असार १६
वि.सं.२०७४ असार १६ शुक्रवार ११:२६ मा प्रकाशित