काठमाडौ। ओम डेभलपमेन्ट बैंकको १० बराबर ३ कित्ता अनुपातको हकप्रद सेयर असोज २३ गतेदेखि आउने भएको छ । बैंकले चुक्ता पुँजी बढाउने उदेश्यसहित १ सय रुपैंयाँ मूल्यमा ४९ लाख ३१ हजार ८ सय ३५ कित्ता हकप्रद सेयर निष्काशन गर्न लागेको हो ।
भदौ २९ सम्म कायम सेयरधनीले उक्त हकप्रदमा आवेदन दिन सक्नेछन् । एनआईबिएल क्यापिटल मार्केट्सले उक्त हकप्रदको बिक्री प्रबन्धकको काम गर्दैछ । हकप्रदमा एनआईबिएल क्यापिटल मार्केट्स लाजिम्पाट, ओमका सबै शाखा,नेपाल इन्भेष्टमेन्ट बैंकको बिराटनगर, इटहरी, बिरगञ्ज, नेपालगञ्ज र धनगढीबाट आवेदन दिन सकिने जनाएको छ । बैंकको हकप्रद सेयरका लागि कार्तिक २६ गतेसम्म आवेदन दिन सकिनेछ ।
प्रकाशित मितिः २०७४ असोज ६
वि.सं.२०७४ असोज ६ शुक्रवार ११:१६ मा प्रकाशित