बैंकको ५० प्रतिशत हकप्रद सेयर निष्काशन, तपाईले आवेदन दिनुभयो त ?

काठमाडौँ । एक्सेल डेभलपमेन्ट बैंकले असोज १८ देखि ५० प्रतिशत अर्थात दुई बराबर एकको अनुपातमा हकप्रद सेयर निष्काशन गरेको छ । कात्तिक २१ गतेसम्म निष्काशन हुने हकप्रदमा भदौ २१ गतेसम्म कायम सेयरधनीले आवेदन दिन पाउनेछन् ।

बैंकको सेयर निष्काशन तथा विक्री प्रबन्धकमा एस क्यापिटल लिमिटेड रहेको छ । एस क्यापिटल लाल दरबार, नेपाल इन्भेष्टमेन्ट बैंकका शाखा कार्यालय चाबहिल, न्यूरोड, किर्तिपुर, जावलाखेल, कौशलटार र उपत्यका बाहिर वीरगंज, पर्सा, चितवन, मोरङ, नारायणगढ, प्युठान, संखुवासभा र एक्सेल बैंकको केन्द्रिय तथा शाखा कार्यालयबाट उक्त हकप्रदमा आवेदन दिन सकिने छ ।

हाल एक्सेलको चुक्तापुँजी ३८ करोड ४५ लाख ६२ हजार छ सय रुपैयाँ रहेको छ । हकप्रद जारी गरेपछि बैंकको चुक्तापुँजी ५७ करोड ६८ लाख ४३ हजार आठ सय रुपैयाँ पुग्नेछ ।

प्रकाशित मितिः २०७४ असोज २१

२०७४ असोज २१ गते ०८:१२ मा प्रकाशित

You can share this post!

प्रदेश सरकार गठनको खाका तयार, प्रदेशमा सात मन्त्रालय रहने

एमाले धादिङ जिल्ला कमिटीबाट पनि केन्द्रमा भुमी, प्रदेशमा नेत्रको नाम सर्वसम्मत

Related posts